DÜNYA


Afrikanın beş ölkəsi fil dişi ticarətinə icazə verilməsinə çağırır

Bakı, 8 may, AZƏRTAC

Ərazilərində iri fil populyasiyaları olan Afrikanın beş ölkəsi fil dişi ticarətinə icazə verilməsini istəyir.

AZƏRTAC “Bloomberg” agentliyinə istinadla xəbər verir ki, Botsvana, Zimbabve, Zambiya və Namibiya prezidentləri, həmçinin Anqolanın ətraf mühit üzrə naziri mayın 7-də baş tutan görüş zamanı fillərlə barədə ümumi siyasətin vacibliyini vurğulayıblar. Onların sözlərinə görə, fermerlər və ətraf ərazilərdə yaşayan fillər arasında münaqişə gərginləşir. Botsvana hökuməti bunu ölkədə fillərin sayının 1991-ci ildəki 55 mindən 160 minə çatması ilə əlaqələndirib.

Görüş iştirakçıları, həmçinin qitədə brakonyer fəaliyyətinin artdığını və əcəli ilə ölən heyvanlardan əldə edilən fil dişi ehtiyatlarının çoxaldığını bildiriblər. Botsvana Prezidenti Mokvetsi Masisi fil ovuna icazə verilməsini təklif edib. Beş Afrika ölkəsinin nümayəndələri, həmçinin fillərin populyasiyasının daha dəqiq monitorinqi üçün tədqiqatın vacibliyi qənaətinə gəliblər.

Fil dişi ticarəti nəsli kəsilmə təhlükəsi qarşısında qalan vəhşi flora və fauna növləri ilə beynəlxalq ticarət konvensiyası çərçivəsində qadağan edilib.

Agentliyin məlumatına əsasən, 2006-2016-cı illərdə brakonyer fəaliyyəti nəticəsində Afrikada fillərin populyasiyası 111 min baş azalıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.