CƏMİYYƏT


Əlcəzair portalı Şuşada təşkil olunan beynəlxalq skaut düşərgəsindən yazıb

Qahirə, 17 avqust, AZƏRTAC

Əlcəzairin “Əl Hərir” portalı Gənclər və İdman Nazirliyinin dəstəyi ilə Azərbaycan Skautlar Assosiasiyası tərəfindən Şuşa şəhərində yuxarı yaşlı skautlar üçün təşkil olunan “Wonderland Shusha, Azerbaijan” beynəlxalq skaut düşərgəsi barədə AZƏRTAC-ın ərəb dilində xəbərini və fotoşəkilləri yayımlayıb.

Ərəbdilli oxucuların diqqətinə çatdırılıb ki, Şuşaya ilk addımlarını “Zəfər yürüşü” ilə atan skautlarımızın Qarabağdakı ilk düşərgəsində Türkiyə, Polşa, Ukrayna, Macarıstan, Gürcüstan, Misir və Moldovadan 20 skaut iştirak edib. Bununla da “Wonderland Shusha 2022” düşərgəsi skautların Qarabağda ilk düşərgəsi kimi tarixə düşüb. Ümumilikdə 150 nəfərin iştirak etdiyi düşərgənin ilk günü skautlarımız çadırlarını qurduqdan sonra təhlükəsizlik qaydaları ilə tanış olub, “zərərdən müdafiə” təlimini keçiblər. Daha sonra Şuşa şəhərinin ecazkar təbiəti və tarixi ilə yaxından tanış olublar.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.