DÜNYA


Əlcəzairin sabiq Ədliyyə naziri məhkəmə qarşısına çıxarılıb

Bakı, 22 avqust, AZƏRTAC

Əlcəzairin sabiq Ədliyyə naziri Tayeb Lüx avqustun 22-də korrupsiya ittihamı üzrə ölkənin Ali Məhkəməsi qarşısına çıxarılıb.

AZƏRTAC Alg24 portalına istinadla xəbər verir ki, hazırda sabiq nazir müstəntiq qarşısında izahat verir.

Tayeb Lüx 2013-2019-cu illərdə Əlcəzair Ədliyyə Nazirliyinə rəhbərlik edib. Buna qədər bir ildən çox əmək, məşğulluq və sosial təminat naziri işləyib. Lüx hakim “Milli Azadlıq Cəbhəsi” partiyasının üzvüdür.

Artıq bir neçə aydır ki, Əlcəzairdə korrupsiya əleyhinə miqyaslı kampaniya başlayıb. Kampaniya çərçivəsində onlarla nüfuzlu məmur, o cümlədən sabiq hökumət rəhbərləri və nazirlər, həmçinin biznesmenlər və oliqarxlar saxlanılıb və ya həbs olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.