SİYASƏT
“Aldiplomasy” portalı: Prezident İlham Əliyev Şuşanın işğaldan azad edildiyi müjdəsini verib
Qahirə, 8 may, AZƏRTAC
Misirin “Aldiplomasy” informasiya portalı Azərbaycan Respublikasının Prezidenti, Müzəffər Ali Baş Komandan İlham Əliyevin öz xalqına Şuşa şəhərinin işğaldan azad edilməsi müjdəsini verdiyini yazıb.
AZƏRTAC xəbər verir ki, portalın “Prezident İlham Əliyev: Əziz Şuşa, sən azadsan!” sərlövhəli xəbərində Azərbaycan Respublikasının Prezidenti, Müzəffər Ali Baş Komandan İlham Əliyevin noyabrın 8-də Şəhidlər xiyabanından xalqa etdiyi müraciəti yer alıb: “Əziz həmvətənlər, əziz bacılar və qardaşlar. Böyük fəxarət və qürur hissi ilə bəyan edirəm ki, Şuşa şəhəri işğaldan azad edildi! Şuşa bizimdir! Qarabağ bizimdir! Bu münasibətlə bütün Azərbaycan xalqını ürəkdən təbrik edirəm! Bütün şuşalıları ürəkdən təbrik edirəm!
Bu tarixi bir gündə Azərbaycan xalqına bu müjdəni vermək mənim həyatımda bəlkə də ən xoşbəxt günlərimdən biridir.
Əziz Şuşa, sən azadsan!
Əziz Şuşa, biz qayıtmışıq!
Əziz Şuşa, biz səni dirçəldəcəyik!
Şuşa bizimdir! Qarabağ bizimdir! Qarabağ Azərbaycandır!”.
Oqtay Bayramov
AZƏRTAC-ın xüsusi müxbiri
Qahirə