CƏMİYYƏT


Əlilliyi olan şəxslər səyyar formada reabilitasiya vasitələri ilə təmin edilib

Bakı, 4 oktyabr. AZƏRTAC

Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzi Bakıya gəlmək imkanları olmayan əlilliyi olan şəxslərin səyyar formada reabilitasiya vasitələri ilə təminatı işlərini davam etdirir. Bu məqsədlə bu ilin sentyabrında Protez Ortopedik Bərpa Mərkəzi tərəfindən Siyəzən, Şabran, Xaçmaz, Quba və Qusar rayonlarında əlilliyi olan vətəndaşlara səyyar protez-ortopedik xidmətlər göstərilib.

Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, həmin rayonlarda 54 əlilliyi olan şəxs reabilitasiya vasitələri ilə təmin edilib. Həmin vətəndaşlara 1 ədəd yuxarı ətraf protezi, 2 cüt ortopedik ayaqqabı, 1 ədəd bandaj, 3 əlil arabası, 26 cüt dirsəkaltı, 20 cüt qoltuqaltı ağac, 46 ədəd əsa, 116 ədəd güdül üçün corab, 28 ədəd dizlik, 3 ədəd yara əleyhinə döşəkcə və 86 ədəd rezin ucluq verilib.

Protez Ortopedik Bərpa Mərkəzi tərəfindən növbəti mərhələdə cənub bölgəsində yaşayan əlilliyi olan şəxslərə səyyar formada protez-ortopedik xidmətlərin göstərilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.