QAN YADDAŞI


Ankarada Xocalı soyqırımına həsr olunan mərasim keçirilib

Ankara, 17 noyabr, AZƏRTAC

Türkiyədə fəaliyyət göstərən Tarixdaş Millətlər və Cəmiyyətlər Dərnəyinin (TMCD) təşkilatçılığı ilə Ankarada Xocalı soyqırımı ilə bağlı mərasim keçirilib.

AZƏRTAC xəbər verir ki, mərasimdə diplomatlar, sabiq millət vəkilləri, görkəmli alimlər, Ankaradakı soydaşlarımız, QHT və KİV nümayəndələri iştirak ediblər.

Şəhidlərimizin əziz xatirəsinin bir dəqiqəlik sükutla yad olunub, Azərbaycan və Türkiyənin dövlət himnləri səsləndirilib.

Xocalı soyqırımının dəhşətlərini əks etdirən sənədli filmin nümayişindən sonra çıxışlar olub.

Mərasimdə Ankaradakı Yıldırım Bəyazid Universiteti (YBU) ilə Tarixdaş Millətlər və Cəmiyyətlər Dərnəyi arasında imzalanan anlaşmaya əsasən YBU ərazisində salınan Xocalı parkının və şəhidlərimizin xatirəsinə ucaldılan abidənin, eləcə də TMCD tərəfindən yaradılan www.hocalisoykirimi.org saytının və “Tarix, siyasət və beynəlxalq hüquqda Xocalı soyqırımı” kitabının təqdimatı keçirilib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.