İDMAN


Arda Turan icarə əsasında “Başakşəhər” klubuna transfer edilib VİDEO

Bakı, 13 yanvar, AZƏRTAC

Türkiyə millisinin və İspaniyanın “Barselona” komandasının futbolçusu Arda Turan İstanbulun “Başakşəhər” klubuna transfer edilib.

AZƏRTAC hər iki klubun saytına istinadla xəbər verir ki, 31 yaşlı yarımmüdafiəçi icarə əsasında 2,5 il ərzində “Başakşəhər” komandasının formasını geyəcək.

A.Turan 2015-ci ilin yayında 34 milyon avro müqabilində İspaniyanın “Atletiko” komandasından “Barselona”ya transfer olunub. “Barselona”da çıxış etdiyi müddətdə 55 oyunda 5 qol vurub. O, Kataloniya klubunun heyətində İspaniya La Liqasının, Kral Kubokunun (iki dəfə), İspaniya Super Kubokunun, klublararası dünya çempionatının və UEFA Super Kubokunun qalibi olub.

“Başakşəhər” komandası Türkiyə Super Liqasında 17 turdan sonra 36 xalla liderdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.