Azərbaycan Dövlət İnformasiya Agentliyi

MƏDƏNİYYƏT

Arzuların şəhəri, qədim sivilizasiyaların tarixini özündə yaşadan İstanbul

Bakı, 19 mart, Turan Teymurov, AZƏRTAC

Xəbər verdiyimiz kimi, Çanaqqala zəfərinin 106-cı ildönümü ərəfəsində Türkiyənin Mədəniyyət və Turizm Nazirliyinin dəvəti və həmin qurumun nəzdində fəaliyyət göstərən Türkiyə Turizm Tanıtım və İnkişaf Agentliyinin təşkilatçılığı ilə martın 10-dan 15-dək azərbaycanlı jurnalistlərin qardaş Türkiyəyə media-turu təşkil olunmuşdu. Səfərin məqsədi pandemiya dövründə ölkə turizmi, eləcə də bu bölgənin gəzməli-görməli yerləri ilə tanış olmaqdan ibarət idi.

Türkiyədə koronavirusa qarşı görülən tədbirlər
turistlər üçün etibarlı səyahət imkanı yaradıb

Hazırda dünyanı cənginə alan koronavirus pandemiyasına baxmayaraq, Türkiyə ən az zərərlə turizm sahəsini ayaqda saxlamağa nail olub. Turizm sektoru ölkə iqtisadiyyatının demək olar ki, ana xəttini təşkil etdiyindən, onun dirçəldilməsi üçün bir sıra proqramlar həyata keçirilir. Belə ki, yeni növ koronavirusa (COVID-19) qarşı bir sıra qabaqlayıcı tədbirlərlə yanaşı, turizm sektorunda çalışan işçilərin peyvəndlənməsi ilə bağlı qeydiyyat proqramına başladılıb. Proqram qarşıdan gələn turizm mövsümü üçün beynəlxalq ziyarətçiləri qəbul etmək, onların və turizm işçilərinin sağlamlığını və təhlükəsizliyini təmin etmək üçün “Təhlükəsiz Turizm Sertifikatlaşdırma Proqramı” çərçivəsində həyata keçirilir.

Türkiyə ötən ilin iyunundan “Təhlükəsiz Turizm Sertifikatlaşdırma Proqramı”nı həyata keçirməyə başlayandan sağlamlıq və təhlükəsizlik qaydalarına riayət etmək üçün bütün lazımi addımları atır. Mövsüm açılandan sonra turizm xidmətlərinin ilboyu fəaliyyət göstərməsi üçün həmin sektorda çalışanların peyvəndlənməsi proqramına daxil edilməsi sahəsində tədbirlər görülüb. Proqram çərçivəsində ilk növbədə qeydiyyatdan keçmiş otel, restoran, tur bələdçiləri və turizm agentlikləri işçilərinin peyvəndlənməsi nəzərdə tutulub.

Türkiyə COVID-19-la mübarizədə dünyanın ən etibarlı yerlərindən biri kimi mövqeyini daha da yaxşılaşdırmaq üçün bu sahədəki ilk və ən uğurlu nümunələrindən biri olan “Təhlükəsiz Turizm Sertifikatlaşdırma Proqramı”na investisiya qoymağa davam edir. Ölkə tətbiqetmənin əhatə dairəsini genişləndirib, indiyə qədər 8 mindən çox turizm obyekti sertifikatlaşdırılıb. 2021-ci ildə sağlam və etibarlı turizmin məkanı olmağa davam etmək üçün bütün tədbirləri görən Türkiyə beynəlxalq ziyarətçilər üçün etibarlı səyahət baxımından ən yaxşı seçimlərdən biri olacaq.

Ölkədə koronavirusla mübarizədə vətəndaşlar üçün bəzi məhdudiyyətlər tətbiq edilsə də, turistlərə heç bir məhdudiyyət (təbii ki, maska, sanitar-gigiyena qaydalarına, sosial məsafə tələbləri istisna olmaqla) qoyulmayıb. Turistlər ölkə daxilində sərbəst şəkildə hərəkət etmək və istədikləri səfərləri gerçəkləşdirmək hüququna malikdirlər. Görülən tədbirlər deməyə əsas verir ki, Türkiyə bu mövsüm turistləri təhlükəsiz və sanitar-gigiyena qaydalarına uyğun olaraq yüksək səviyyədə qəbul etməyə hazırdır.

Dünyanın qabaqcıl turizm şəhərlərindən biri - İstanbul

...Çanaqqaladan sonra yolumuz İstanbul şəhərinədir. Dünyanın ən gözəl, turistik məkanlarından olan İstanbulu görmək və onun küçələrini dolaşmaq hər kəsin arzusudur. İstanbul Türkiyənin şimal-qərbində, Mərmərə dənizi və Bosfor sahili boyunca salınmış şəhərdir. Üç tərəfi su sahəsi - Mərmərə dənizi, Bosfor və Haliç ilə əhatə olunmuş yarımada üzərində qurulan İstanbulun qərb sərhədi Konstantinopol qala divarlarını meydana gətirir. Şəhərin böyümə və inkişafı prosesində qala divarlarının sərhədləri dörd dəfə qərbə “daşınıb”. İstanbul eramızın 330-cu ilindən başlayaraq müxtəlif dövrlərdə Roma, Bizans, Latın və ən nəhayət, Osmanlı imperiyalarının paytaxtı olub.

Avropanı Asiyaya, Qərbi Şərqə bağlayan, qədim sivilizasiyaların tarixini özündə yaşadan İstanbul həm də dünyanın qabaqcıl turizm şəhərlərindən hesab olunur. Bunun bir səbəbi də qədim diyarın abidələrlə zənginlik və gözəlliyi, şəhər sakinlərinin gülərüz və qonaqpərvərliyi, ilin bütün fəsillərində göstərilən yüksək keyfiyyətli turizm xidmətləridir. Bunun bariz nümunəsini şəhərdə olduğumuz üç gün ərzində bir daha gördük.

Qız qalasını xatırladan Qalata qülləsi

İstanbula gəldiyimiz ilk gündən tanış olduğumuz tarixi məkanlardan biri də məskunlaşdığımız otelin yaxınlığındakı Qalata qülləsi oldu. Yüksək təpədə yerləşən qüllə bizim Qız qalasını xatırladır. İstanbul şəhərinin əsas simvollarından olan Qalata dünyanın ən qədim qüllələrindən hesab olunur. Onu Bizans imperatoru Anastasiusun göstərişi ilə 528-ci ildə inşa ediblər. Qüllə 1204-cü ildə IV xaç yürüşü zamanı ciddi dağıntılara məruz qalsa da, 1348-ci ildə İsa qülləsi adı ilə yenidən tikilib. İstanbulun osmanlılar tərəfindən fəthindən sonra - 1453-cü il mayın 29-da Qalata qülləsinin açarı cenevizlilər tərəfindən Fateh Sultan Mehmetə təqdim edilib. Həmin il iyunun 1-də isə qüllə tamamilə Osmanlı İmperatorluğuna təslim olub. Qüllə 1509-cu ildə baş verən və osmanlılar tərəfindən “kiçik qiyamət” adlandırılan zəlzələ zamanı ciddi zərər görüb, lakin o dövrün tanınmış memarlarından olan Hayreddin tərəfindən yenidən qurulub. Gözətçi qülləsi olaraq inşa edilən abidə bu gün turistik məqsədlərə görə muzey kimi istifadə edilir. Hündürlüyü 66 metr olan qüllənin üst qatından şəhərin panoramalı mənzərəsini, əsrarəngiz gözəlliyini seyr etmək mümkündür. Qalata qülləsi yeganə məkandır ki, oradan şəhəri dörd bir yanını seyr etmək olar. Buranı çoxlu turistin ziyarət etdiyini, şəhərə açılan mənzərə fonunda xatirə şəkli çəkdirdiyini müşahidə edirik.

Səfər boyu bələdçimiz, Türkiyə Turizm Tanıtım və İnkişaf Agentliyinin əməkdaşı Yeşim Gözeli qüllə ilə bağlı maraqlı tarixi hadisə haqqında bilgi verir: XVII əsrin əvvəllərində IV Muradın hakimiyyəti illərində gənc ixtiraçı Hezarfən Əhməd Çələbi hazırladığı quş qanadlarını xatırladan kustar uçaq vasitəsilə Qalata qülləsindən Bosfor boğazını keçərək Üsküdar səmtinə qədər “qanadlanıb”. Qüllənin ikinci mərtəbəsində avropalıların marağına səbəb olan həmin uçuşu əks etdirən mənzərə 3D video formatında yerləşdirilib. Qülləni ziyarətə gələnlər virtual olaraq, gənc ixtiraçı ilə Üsküdara “uça bilərlər”.

Dünyanın ikinci ən qədim metrosu - Karaköy tuneli

Bakının “Tarqovu”sunu xatırladan İstiqlal küçəsi səliqəsi, kütləviliyi ilə diqqəti cəlb edir. Küçə Çanaqqala zəfəri ilə əlaqədar bayraqlara bürünüb. Bu il həm də ölkədə “Mehmət Akif və İstiqlal marşı ili” elan edilib və bununla bağlı banner də yerləşdirilib. Küçədə bəzi səfirliklərin binaları, “Qalatasaray” futbol klubunun məktəbi, Qalata Mevlevihanesi Muzeyi, məscid və s. tarixi binalar var. Hər addımda sıra ilə düzülmüş şirniyyat evlərinə, kafelərə, restoranlara, çoxlu hotellərə rast gəlmək olar. Şəhərin küçələrində tez-tez müxtəlif film çəkilişlərinin getdiyinin də şahidi oluruq.

İstanbulun ən maraqlı məkanlarından biri də dünyanın ikinci ən qədim metrosu Karaköy tunelidir. Karaköy ilə Beyoğlu arasındakı həmin tarixi tunel 146 ildir sərnişinlərə xidmət göstərir. Ümumi uzunluğu 573 metr olan tunelin inşasına 1871-ci ildə başlanıb və tikinti 1874-cü ildə tamamlanıb.

Daha bir neçə addım atandan sonra məşhur Qalata körpüsünə gedib çıxmaq mümkündür. Körpünün üzərində böyür-böyürə dayanan onlarla balıqçı Mərmərə dənizinə tilov atıb. İstanbulun Eminönü səmtinə bu mənzərəni izləmək üçün gələnlər çoxdur. Deyilənə görə, Qalata körpüsünün altındakı sularda balıqlar daha çox toplaşır. Elə buna görə də burada ilin istənilən vaxtı balıqçılara rast gəlmək mümkündür. Sahilə yan alan restorana çevrilmiş çoxsaylı katerlərdə, eləcə də Mərmərə dənizinin sahillərindəki kafelərdə dənizdən tutulmuş balıqdan xörəklər hazırlanaraq müsafirlərə təklif edilir. Balıq sendviçinin dadına baxmaq istəyənlərin sayı-hesabı yoxdur.

Pandemiya şəraitinə baxmayaraq, şəhərin hər yerində müxtəlif ölkələrdən təşrif gətirən turistlərlə üzləşirsən. Slavyan, Avropa və Afrika ölkələrindən gələn turistlər daha çox gözə dəyir. Söhbət zamanı İstanbulu çox sevdiklərini, göstərilən xidmətlərin qiymətindən və keyfiyyətindən razı qaldıqlarını ifadə edirlər.

Möhtəşəmliyi və əzəməti ilə gözoxşayan Ayasofya

İstanbula gedib şəhərdəki dünya memarlıq tarixinin ən görkəmli abidələrindən olan Ayasofyanı ziyarət etməmək olmaz. Ayasofya Şərqi Roma İmperatorluğu tərəfindən İstanbulda inşa edilən ən böyük memarlıq abidəsidir. Bina eyni ərazidə üç dəfə tikilib. İlk dəfə imperator Konstantios tərəfindən 360-cı ildə Böyük Kilsə (Megale Ekklesia) adı ilə tikilən və 415-ci ildə İmperator II Teodoz tərəfindən yenidən inşa edilən Ayasofya (Müqəddəs Hikmət) o vaxtlar baş qaldıran xalq üsyanları nəticəsində dağıdılıb.

İstanbulun mərkəzi hissəsində yerləşən və dünyada ən çox ziyarətçi qəbul edən və indiyədək öz əzəmətini saxlayan Ayasofya binası isə İmperator Justinianosun göstərişi ilə üçüncü dəfə dövrün iki məşhur memarı Anthemios və İsidoros tərəfindən yenidən tikilib. İnşasında 200 fəhlənin iştirak etdiyi və beş il on aya tamamlanan bina 916-cı ildə kilsə kimi öz qapılarını möminlərin üzünə açıb. 1453-cü ildə İstanbulun Fateh Sultan Mehmet tərəfindən fəthindən sonra məscid kimi fəaliyyət göstərib. Şəhərin fəthindən dərhal sonra İstanbul fatehi Ayasofyaya gələrək ilk namazını məhz burada qılıb.

Osmanlı dövründə məscid kimi fəaliyyətini davam etdirib. Sonralar yenə də Osmanlı İmperatorluğu dövründə binanın ətrafında minarələr, mədrəsələr, orta məktəb, fəvvarələr və bir sıra digər tikililər inşa olunub. Osmanlı sultanı Əbdülməcidin əmri ilə 1847-1849-cu illərdə isveçrəli Fossati qardaşları tərəfindən aparılan təmir işləri zamanı dövrün ən məşhur xəttatlarından olan Kazasker Mustafa İzzət Əfəndi Ayasofyanın əsas qübbəsinin 11,3 metrlik hissəsində “Qurani-Kərim”in Nur surəsinin 35-ci ayəsi yazılıb.

Memarlığı, möhtəşəmliyi, əzəməti və füsunkarlığı ilə gözoxşayan məşhur abidəni hər il minlərlə turist ziyarət edir. Bazar günü olmasına baxmayaq, burada izdiham yaşanır, çoxlu ziyarətçi gəlir. Dünyada çox az yer var ki, orada xristian naxışları, dörd böyük, oval kürədə Quran ayələri və məbədin üst qalereyasının sürahilərində qrafitini eyni məkanda görmək olar. Hazırda məscid kimi fəaliyyət göstərən Bizans memarlığının məşhur abidəsi həm də buna görə maraq doğurur.

Ayasofyanın yaxınlığında yerləşən Sultan Əhməd Məscidi mütləq ziyarət edilməli müqəddəs məkanlardandır. Təəssüf ki, səfərimizi zamanı məsciddə aparılan təmir işləri ilə əlaqədar oranı ziyarət etmək mümkün olmadı.

Qapalı bazar - 60-a qədər küçə, üç mindən çox dükan

İstanbul həm də alış-veriş mərkəzləri, bazarları ilə də tanınır. Onların arasında Qapalı, Mahmudpaşa və Misir bazarları qədimliyi ilə xüsusilə seçilir. Misir bazarında piştaxtalar üzərində müxtəlif ədviyyatlar, təbib və loğmanların müalicə vasitəsi kimi çiçək toxumları, nadir bitki kökləri və qabıqları düzülüb. Bazarda qurudulmuş qoz-fındıq, şirniyyat məhsulları və müxtəlif qida məhsulları da satılır. Şəhər sakinlərinin, eləcə də turistlərin ən çox üz tutduğu məkanlardan biri olan Qapalı bazarda daha çox zinət əşyaları, suvenirlər, eləcə də pal-paltar öz alıcılarını gözləyir. Qapalı bazar nəhəng labirint kimi, 60-a qədər küçəsi, üç mindən çox dükanı ilə İstanbulun ən baxımlı və bənzərsiz bir məkanıdır. Şəhəri xatırladan və bütünlüklə qapalı bu yer zaman keçdikcə inkişaf edərək böyüyüb. Qapalı bazar günün hər vaxtı hərəkətli və izdihamlıdır. Alverçilər ziyarətçiləri durmadan öz mağazasına dəvət edir. Bazarın girişində inkişaf edən böyük və rahat mağazalar Türkiyədə emal və ixracatı edilən bütün əşyaları satışa çıxarıb. Əl xalçaları və ləl-cavahirat ənənəvi türk sənətinin ən gözəl nümunələridir.

İstanbulda hər addımda, hər ünvanda doğmalıq, istilik açıqca hiss olunur. Küçədə üzləşdiyimiz hər kəs can Azərbaycandan gəldiyimizi biləndə böyük sevinc hissi ilə qarşılayır, ötən ilin payızında xalqımızın Qarabağ savaşında əldə etdiyi Zəfərdən böyük qürur və iftixar hissi keçirirdilər. Əlbəttə, bu münasibət bizi çox duyğulandırırdı. Şəhərin küçələrində qırmızı türk bayrağı ilə yanaşı, üçrəngli Azərbaycan bayrağı da dalğalanırdı. İki bayraq əzəmət, iftixar və qürur mənbəyi kimi bir yerdə döyünürdü...

Xəbəri sosial şəbəkələrdə paylaşın

Bizi sosial şəbəkələrdə izləyin

Azərbaycanın Birinci vitse-prezidenti Mehriban Əliyeva İlaxır çərşənbə ilə bağlı paylaşım edib

® GL 2023-cü ildə neft hasilatı artımına nail olub

Sabahdan Azərbaycanda 7 günlük Novruz tətili başlayır

Bakının bəzi yollarında sıxlıq müşahidə olunur SİYAHI

Mövcud hava şəraiti ilə bağlı sürücülərə müraciət edilib

Ukraynanın Krivoy-Roq şəhərində Novruz bayramı ilə bağlı konsert təşkil edilib

Saatlıda narkokuryerlik edən şəxs saxlanılıb

Hüquq müdafiəçisi: Azərbaycan NATO-nun uzunmüddətli tərəfdaşıdır

Türkiyə tədqiqatçıları stressin beyində “zamanın qavranılmasını” pozduğunu müəyyənləşdiriblər

Daşkəsəndə narkotik vasitələr satan şəxs saxlanılıb

Avstraliya məhkəməsi “Uber”i böyük məbləğdə təzminat ödəməyə məcbur edib

Yanlış ayaqqabı uşağın sağlamlığına zərər verə bilər - Mütəxəssis rəyi

Anaklia limanının dəniz infrastrukturunun tikintisi üçün beynəlxalq tender elan edilib

Süni intellekt və lazer əsaslı sensorla mədədəki xəstəliklər müəyyən ediləcək

Braziliyada hiss edilən temperatur 62 dərəcə Selsini keçib

Yaponiyada yaşlı insanlar əməyə cəlb edilir

İraq neft ixracını azaldacaq

Ümumdünya Buxara Yəhudiləri Konqresinin nümayəndə heyəti Qırmızı qəsəbəyə səfər edib

Budapeştdə biznes forumda Azərbaycandakı investisiya imkanlarından danışılıb

Gürcüstanın Təhsil və Elm Nazirliyinin Marneuli İctimai Kollecində təntənəli Novruz şənliyi keçirilib

Azərbaycanın Qırğızıstandakı səfirliyində Novruz bayramı qeyd edilib

Bu gün Torpaq çərşənbəsidir

Şabranda minik avtomobilləri toqquşub, yaralananlar var

“Robotexnika Klubu”nun üzvləri Türkiyədə keçiriləcək “Texnofest”ə layihə təqdim ediblər

Kəngərli rayonunun yaradılmasının 20 illiyi qeyd olunub

Türkiyə və Rusiya prezidentləri arasında telefon danışığı olub

Dövlət Komitəsində Yaponiyada yaşayan azərbaycanlı pianoçu ilə görüş olub

Amur vilayətindəki filiz mədənində qəza baş verib, dağıntılar altında qalanlar var

Media əməkdaşları arasında atıcılıq yarışının qalibləri bəlli olub

Türkiyə Prezidenti: Bu yay İraq sərhədimizin təhlükəsizliyini tam təmin edəcəyik

Naxçıvan ŞİH: Möminə Xatun türbəsinin ətrafındakı tikili ilə bağlı yayılanlar həqiqəti əks etdirmir

Azərbaycanın güləş millisi “Çempionlar” turnirini 10 medalla başa vurub

YAP Səbail rayon təşkilatında Novruz bayramı qeyd edilib

Nigeriyada daha yüz adam oğurlanıb

Azərbaycan-İraq əlaqələrinin inkişaf perspektivləri müzakirə olunub

Bakı Ali Neft Məktəbində “Huawei” şirkətinin laboratoriyası fəaliyyətə başlayıb

Nazirlik: Hərbi hissələrdə bayram tədbirləri qapalı şəraitdə keçirilir

Azərbaycan atıcıları Almaniyada qızıl medal qazanıblar

Bakı Dövlət Universitetində Novruz şənliyi

Yens Stoltenberq: NATO ilə Azərbaycan arasında əməkdaşlıq üçün yeni çərçivə sənədinin razılaşdırılması üzərində iş aparırıq VİDEO

Beynəlxalq mətbuat Azərbaycan Prezidentinin NATO-nun Baş katibi ilə görüşündən yazır

“Ailəm könüllüləri” proqramının könüllüləri mükafatlandırılıb

Nobel sülh mükafatı laureatı Məhəmməd Yunus BAMF-da olub

Azərbaycan icması Böyük Britaniya Parlamentinə etiraz məktubu göndərib

Müdafiə naziri Novruz bayramı münasibətilə Azərbaycan Ordusunun şəxsi heyətini təbrik edib

Unudulmaz bəstəkar Şəfiqə Axundovanın 100 illik yubileyi qeyd olunub

Hikmət Hacıyev: Azərbaycan ilə Çin arasında ənənəvi dostluq və tərəfdaşlıq münasibətləri var VİDEO

Xüsusi təyinatlı təhsil müəssisələrində Çanaqqala zəfərinin 109-cu ildönümü qeyd edilib VİDEO

Ağdamda Bahar bayramı şənliyi keçirilib

Bakının Dəmir yolu vağzalında keçirilən oftalmoloji aksiya zamanı 120 nəfər müayinə olunub 

Monitorinq Mərkəzi Almaniyada “Avropada dilimizin bu günü və sabahı” adlı tədbir keçirib

M.F.Axundzadənin “Müsyö Jordan və dərviş Məstəli şah” əsəri İstanbulda səhnələşdiriləcək

Dövlət qulluğunda inzibati icraçı vəzifələr üzrə test imtahanına qeydiyyat elan edilib

Azərbaycan səfiri Çanaqqala Zəfərinin 109-cu ildönümü münasibətilə təşkil olunan tədbirdə iştirak edib

İsveçrənin ölkəmizdəki səfiri ilə COP29 ətrafında fikir mübadiləsi aparılıb

Avropa dövlətləri Şimal-Cənub Beynəlxalq Nəqliyyat Dəhlizinin dəmir yolu hissəsinin işə salınmasında maraqlıdırlar

Milli Kitabxanada “Tale şairi: Məmməd İsmayıl” adlı kitabın təqdimat mərasimi olub

® “Beyin ölümü diaqnozunun təyininə multidisiplinar yanaşma” mövzusunda seminar keçiriləcək

Azərbaycan Respublikası Nazirlər Kabinetinin 2019-cu il 25 dekabr tarixli 503 nömrəli Qərarı ilə təsdiq edilmiş “Dərman vasitələrinin farmakonəzarət Qaydası”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Xocavəndlilər baharın gəlişini yüksək əhvali-ruhiyyə ilə qeyd edirlər

“Beynəlxalq Münasibətlərin Təhlili Mərkəzinin işçilərinin say həddinin təsdiq edilməsi və əməkhaqqı fondunun müəyyən edilməsi haqqında” Azərbaycan Respublikası Nazirlər Kabinetinin 2019-cu il 15 iyul tarixli 309 nömrəli Qərarında dəyişiklik edilməsi barədə
Azərbaycan Respublikası Nazirlər Kabinetinin QƏRARI

QAÇQINKOM-un sədri Siyəzəndə vətəndaşların müraciətlərini dinləyib

Bakı Kitab Mərkəzi xüsusi qayğıya ehtiyacı olan uşaqlar üçün Novruz şənliyi təşkil edib

“İnternet informasiya ehtiyatı vasitəsilə elektron ticarəti həyata keçirən qeyri-rezidentin elektron qaydada vergi uçotuna alınması, yenidən uçota alınması və uçotdan çıxarılması Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2023-cü il 30 oktyabr tarixli 387 nömrəli Qərarında dəyişiklik edilməsi barədə
Azərbaycan Respublikası Nazirlər Kabinetinin QƏRARI

Daha bir neçə müntəzəm avtobus marşrutu müsabiqəyə çıxarılır

“Müntəzəm beynəlxalq, şəhərlərarası (rayonlararası) və şəhərdaxili (rayondaxili) sərnişin daşımalarının yerinə yetirilməsi ilə bağlı sifarişçinin keçirdiyi müsabiqədə iştiraka görə ödənişin məbləği”nin təsdiq edilməsi haqqında
Azərbaycan Respublikası Nazirlər Kabinetinin QƏRARI

“Azərbaycan Respublikası Nazirlər Kabinetinin 1998-ci il 21 avqust tarixli 175 nömrəli Qərarı ilə təsdiq edilmiş “Azərbaycan Respublikasında telekommunikasiya vasitələri və qurğularının sertifikatlaşdırılması Qaydaları”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Beynəlxalq müsabiqədə qalib gələn tələbələrə diplomlar təqdim edilib

Azərbaycan Respublikası Nazirlər Kabinetinin 2021-ci il 10 sentyabr tarixli 256 nömrəli Qərarı ilə təsdiq edilmiş “Azərbaycan Respublikasının dövlət sərhədindən buraxılış məntəqələrinin sayı və yerləşdiyi ərazilərin siyahısı”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

UNEC kollektivi bu il də Novruz bayramını ahıl sakinlərlə qeyd etdi

Hakim partiyaların fəal dialoqu Azərbaycan-Çin münasibətlərinin inkişafına böyük töhfələr verir

“Daşkəsən rayonunda kartofçuluq təsərrüfatının inkişafına dəstək” layihəsinin icrasına başlanılıb

Azərbaycanda “Elektron kommunikasiya haqqında” qanun layihəsi hazırlanır

Abşeronda Novruz bayramı böyük izdihamla qeyd olunub

MEK Özbəkistanda türkdilli xalqlara həsr edilmiş beynəlxalq konfransda təmsil olunub

“Həvəsləndirmə və Biznes mükafatları” müsabiqəsi barədə məlumatlandırma görüşü keçirilib

Şəhid övladı Novruz tonqalını alovlandırdı

COP29 və elmi-texniki tərəqqi

Özbəkistan istehsal etdiyi yaşıl enerjini Azərbaycan üzərindən ixrac edəcək

Abşeronda Çanaqqala Zəfərinin 109–cu ildönümü qeyd olunub

Yens Stoltenberqin Bakı səfəri NATO-Azərbaycan münasibətlərinə töhfə verəcək – AÇIQLAMA

Qubada qaçış marafonunun qalibləri mükafatlandırılıb

Azərbaycan Kanoe və Avarçəkmə Federasiyası COP29-a dəstək xarakterli təmizlik aksiyası keçirib

ANAMA: Ötən həftə 202 partlamamış hərbi sursat zərərsizləşdirilib

“İnformasiya müharibəsində qələbə-Müzəffər Ali Baş Komandan cənab İlham Əliyev” adlı kitabın təqdimatı olub VİDEO

Mirzə Uluqbəy adına Füzuli şəhər tam orta məktəbdə Novruz şənliyi

Gəncədə görmə əlilliyi olan 18 yaşına çatmayan uşaqlar üçün Novruz şənliyi keçirilib

“Sumqayıt”ın legioneri: Mövsümü ikinci yerdə bitirə bilərik

Bakı hava limanı ərazisi Novruz dekorları ilə bəzədilib

Paytaxtda ödəmə terminalı və avtomobillərdən oğurluq edən şəxs saxlanılıb VİDEO

Lənkəranda yeni penitensiar kompleks cəzaçəkmə müəssisələrində sıxlığı aradan qaldırmağa xidmət edir

Bu günədək 31 mindən çox tələbə təhsil krediti alıb

Sosial Xidmətlər Agentliyi ilə Penitensiar xidmət məhkumların cəmiyyətə inteqrasiyası ilə əlaqədar əməkdaşlıq edəcəklər

“Türk sivilizasiyasının dirçəlişi” beynəlxalq elmi konfransı işə başlayıb

Naxçıvan Qida Təhlükəsizliyi İnstitutu yaradılıb

Baş konsul: Türkiyə hər zaman Azərbaycanın yanındadır

Misirdə 2500 il əvvələ aid “Zəbur” kitabı nümayiş etdirilir

Şəhid ailələri və müharibə ilə əlaqədar əlilliyi olan şəxslərə bu il daha 1500 mənzil və fərdi ev veriləcək

ADAU-da "Qadının cəmiyyətdəki rolu" mövzusunda forum keçirilib

Yeni Azərbaycan Partiyasının İdarə Heyətinin iclası keçirilib