İDMAN


Asiman Qurbanlı Tokio Karate 1 Premyer Liqa turnirində III yer uğrunda mübarizə aparacaq

Tokio, 13 oktyabr, AZƏRTAC 

Yaponiyanın paytaxtı Tokioda Dünya Karate Federasiyasının (WKF) Karate 1 Premyer Liqa seriyasından mövsümün son turniri davam edir.

AZƏRTAC xəbər verir ki, yarışın ilk günündə 12 karateçimizdən Firdovsi Fərzəliyev (60 kq), Tural Ağalarzadə (67 kq), Rafiz Həsənov (67 kq), Rafael Ağayev (75 kq), həmçinin Nuranə Əliyeva (50 kq) və İlahə Qasımova (55 kq) mükafatçılar arasına düşə bilməyiblər.

Bu gün isə qalan altı idmançımız mübarizəyə qatılıb. Roman Heydərov (kata), Ayxan Mamayev (84 kq), Şahin Atamov və Asiman Qurbanlı (84 kq), eləcə də Fəridə Abiyeva (61 kq) və İrina Zaretska tatamiyə çıxıblar.

İdmançılarımızdan yalnız Asim Qurbanlı yapon Hidayaşi Kaqavaya məğlub olsa da, sonradan təsəlliverici görüşlərdə italiyalı Simone Marinonu (6:0) və belaruslu Andrey Qrineviçi (5:1) məğlub edərək macarıstanlı Daniel Monar ilə bürünc medal uğrunda mübarizə aparacaq. Üçüncü yer uğrunda görüş oktyabrın 14-də keçiriləcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.