İDMAN


Astarada şəhid Arif Qeybiyevin xatirəsinə həsr olunmuş atletika üzrə birinci respublika yarışı keçirilir

Bakı, 10 oktyabr, AZƏRTAC

Gənclər və İdman Nazirliyinin və Azərbaycan Atletika Federasiyasının birgə təşkilatçılığı ilə oktyabrın 10-da Astarada Vətən müharibəsi şəhidi Arif Qeybiyevin xatirəsinə həsr olunan atletika üzrə birinci respublika yarışı keçirilir.

AZƏRTAC xəbər verir ki, yarışda respublikanın şəhər və rayonlarından 10-a yaxın komanda çıxış edir. Turnirin açılış mərasimində Azərbaycan Atletika Federasiyasının prezidenti Çingiz Hüseynzadə, federasiyanın təmsilçiləri, Vətən müharibəsi qaziləri və rayon ictimaiyyətinin nümayəndələri iştirak edirlər.

Qeyd edək ki, Arif İsmayıl oğlu Qeybiyev 1997-ci il iyunun 6-da Astara rayonunun Səncərədi kəndində anadan olub. Orta məktəbdə təhsil aldığı illərdən atletika ilə fəal məşğul olmağa başlayan Arif Qeybiyev dəfələrlə respublika və rayon miqyaslı turnirlərdə fərqlənib. O, 2015-ci ildə I Avropa Oyunlarının iştirakçısı olub.

Azərbaycan Silahlı Qüvvələrinin müddətdən artıq xidmət edən hərbi qulluqçusu, tankçı Arif Qeybiyev Vətən müharibəsinin birinci günündə şəhidlik zirvəsinə ucalıb. Cəsur döyüşçü Astara rayonunun Ərçivan qəsəbəsində dəfn olunub. Arif Qeybiyev ölümündən sonra “Vətən uğrunda”, “Füzulinin azad olunmasına görə”, “Xocavəndin azad olunmasına görə” və “Cəsur döyüşçü” medalları ilə təltif edilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.