DÜNYA


Avropa İttifaqı Şurasının Prezidenti Şarl Mişel Qərbi Balkan ölkələrində səfərdədir

Sarayevo, 20 may, AZƏRTAC

Avropa İttifaqı (Aİ) Şurasının Prezidenti Şarl Mişelin Qərbi Balkan ölkələrinə - Serbiya, Albaniya, Bosniya və Herseqovinaya səfəri davam edir.

AZƏRTAC xəbər verir ki, səfər çərçivəsində Ş.Mişel ötən gün Serbiya Prezidenti Aleksandr Vuçiç ilə görüşüb. Görüşdə ikitərəfli əlaqələr, Serbiyanın Aİ-yə üzvlük prosesi və atılacaq addımlar müzakirə olunub.

Bu gün Tiranada Albaniyanın Baş naziri Edi Rama ilə görüşən Avropa İttifaqı Şurasının Prezidenti “Açıq Balkan” təşəbbüsünü dəstəklədiyini bildirib. O, region ölkələrini bu təşəbbüsə qoşulmağa dəvət edib.

Ş.Mişel Albaniyadan sonra Bosniya və Herseqovinaya səfər edəcək, bu ölkənin Rəyasət Heyətinin üzvləri ilə görüşəcək. Görüşdə əsas müzakirə mövzusunun oktyabrda Bosniya və Herseqovinada keçirilməsi planlaşdırılan seçkilər olacağı gözlənilir.

Nihad Budaqov

AZƏRTAC-ın xüsusi müxbiri

Sarayevo

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.