Azərbaycan Dövlət İnformasiya Agentliyi

SİYASƏT

Avropa Şurasının regional konfransında Azərbaycan mətbuatının uğurlarından bəhs edilib

Avropa Şurasının regional konfransında Azərbaycan mətbuatının uğurlarından bəhs edilib

Budapeşt, 6 dekabr, AZƏRTAC

Mətbuatın və jurnalistikanın müxtəlif problemləri Avropa Şurasının daim diqqət mərkəzində saxladığı mövzulardır. Son illərdə Avropa Şurası Parlament Assambleyasının (AŞPA) elə bir sessiyası olmayıb ki, orada kütləvi informasiya vasitələri ilə əlaqədar olan hansısa mühüm məsələ gündəliyə daxil edilməsin.

AZƏRTAC xəbər verir ki, dekabrın 6-da AŞPA-nın Macarıstanın paytaxtı Budapeştdə keçirdiyi “Kütləvi informasiya vasitələrinin müstəqilliyi və plüralizminin artırılmasında milli parlamentlərin rolu” adlı regional konfrans da həmin siyasətin davamı kimi qiymətləndirilə bilər. AŞPA-nın mədəniyyət, elm, təhsil və media komitəsinə daxil olan mətbuat üzrə alt komitənin üzvləri ilə yanaşı, konfransda Şərq Tərəfdaşlığına daxil olan dövlətlərdən Ukrayna, Belarus, Moldova, Gürcüstan və Ermənistanın parlament nümayəndə heyətləri də iştirak edirdilər. Eləcə də konfransa Avropa Şurasının Budapeştdəki Avropa Gənclər Mərkəzinin direktoru Qordan Berjan, Avropa Mərkəzi Universiteti KİV Mərkəzinin direktoru Marius Draqomir, Böyük Britaniyadan beynəlxalq münasibətlər üzrə ekspert Maria Donde, Bosniya və Herseqovinadan Tənzimləyici Orqanlar üzrə Avropa Platformasının direktor müavini Helena Mandiç və digər mütəxəssislər qatılmışdılar. Konfrans işini 3 müxtəlif sessiya ilə davam etdirib.

“Mətbuatda aşkarlıq və plüralizm” adlanan ilk sessiyadakı müzakirələrdə çıxış edən Azərbaycanın AŞPA-dakı nümayəndə heyətinin üzvü, bu tədbirə həm də Milli Məclisin mədəniyyət komitəsinin sədri kimi qatılmış Rafael Hüseynov ölkəmizdə kütləvi informasiya vasitələrinin müasir vəziyyəti haqqında konfrans iştirakçılarına məlumat verərək deyib: “Bu gün Azərbaycanda mətbuat sahəsində 10 mindən artıq insan fəaliyyət göstərməkdədir. Azərbaycanın ilk anadilli qəzeti isə 1875-ci ildə yaranıb və həmin səbəbdən də hər il iyul ayının 22-si mənim ölkəmdə Mətbuat Günü kimi bayram edilir. Lakin XIX əsrin 30-cu illərində Qafqazda nəşr edilmiş qəzetləri araşdırarkən onu da görürük ki, Azərbaycan peşəkar jurnalistikası daha əvvəl fəaliyyətə başlayıb və artıq onun yaşı 190 ilə yaxınlaşır. Lakin bu qədər uzun bir tarixin təəssüf ki, yalnız 25-26 ili ərzində Azərbaycan mətbuatı siyasi senzuranın nəzarətindən kənarda, sərbəst bir şəraitdə mövcud olub. Əlbəttə, bu da aydındır ki, heç vaxt və dünyanın heç bir yerində kütləvi informasiya vasitələri və jurnalistlər tam azad ola bilmir, onların sona qədər sərbəst olmalarını məhdudlaşdıran hansısa amillər mütləq ortaya çıxır, müəyyən asılılıqlar hökmən nə şəkildəsə üzə çıxır. Ona görə də bütün dövrlər, o cümlədən indiki daha sərbəst fəaliyyət imkanlarının ortada olduğu, mətbuatda ifadə azadlığının imkanlarının daha genişləndiyi zamanda da ən vacib amil kimi jurnalist peşəkarlığı məsələsi ortada durur. Çünki təcrübə göstərir ki, jurnalistin peşəkarlığı və intellektual imkanları yüksək, yazmaq, nümayiş etdirmək qabiliyyəti üstün olduqca, o, çox əlverişli bir vəziyyət qazanmış olur. Yəni, həm düşündüyünü, ifadə etmək istədiyini ictimailəşdirmək üçün münasib forma tapa bilir, həm də özünü mümkün təhlükələrdən qorumağı bacarır.

Bu gün Azərbaycan kütləvi informasiya vasitələrinin kəmiyyətinə görə keçmiş sovet məkanı və Şərqi Avropa ölkələri arasında lider mövqelərdən birini tutur. Belə ki, Azərbaycanda 4700-dən artıq mətbuat orqanı Ədliyyə Nazirliyində uçota götürülüb, 50-dən artıq informasiya agentliyi müvafiq dövlət proqramında qeydiyyatdan keçib. Ölkədə 40-a yaxın gündəlik, 200-dən artıq həftəlik və aylıq qəzet nəşr edilir. 80-ə yaxın müxtəlif istiqamətli jurnal buraxılır. Bölgələrdə 100-ə yaxın qəzet və jurnal nəşr edilir. Həmçinin rus dilində 40-a yaxın, ingiliscə 12 qəzet və jurnal çıxır. Eləcə də türk, fransız, alman, ərəb və bir sıra başqa dillərdə də dövri mətbuat nəşr edilməkdədir. Yəni, bunlar 10 milyon əhalisi olan bir ölkənin çap mətbuatı şəbəkəsini təşkil edir ki, zənnimcə, kifayət qədər əhatəli və rəngarəng bir palitranın olmasını hər kəs təsdiqləyər”.

Konfransın ikinci sessiyası “Audiovizual kütləvi informasiya vasitələrində müstəqillik və plüralizmin nizamlanması: icranın mürəkkəbliyi” adlanırdı və Milli Məclisin deputatı bu hissədəki müzakirələrdə çıxış edərək ölkəmizdəki mətbuat və jurnalist gerçəkliyinin bu səmti barədə dolğun təsəvvür yaratmağa müvəffəq oldu: “Mənim həyatım ilk gənclik illərindən Azərbaycanın radio-televiziya məkanı ilə bağlı olub. Universitet illərindən başlayaraq radio və televiziyada daimi proqramlar aparmağa başlamışam ki, artıq onları 40 ildən artıqdır davam etdirirəm. 1970-ci illərdə Azərbaycanda vur-tut 1 radio və 1 televiziya var idi. Hər ikisi təbii ki, dövlətin ciddi nəzarətində idi. Bu gün isə Azərbaycanda 10 ümumrespublika, 3 peyk, 13 regional və 30-dan çox kabel televiziyası var, 17 radio fəaliyyət göstərməkdədir. 2005-ci ildə isə vaxtilə yeganə olan dövlət radio-televiziyasının əsasında Radio və Televiziya Verilişləri Qapalı Səhmdar Cəmiyyəti yaradılıb. Bununla yanaşı, ayrıca bir İctimai Televiziya və Radio Yayımları Şirkəti də efir məkanında aparıcı yerlərdən birini tutmaqdadır. Ölkədə 2016-cı ildə artıq rəqəmsal yayıma keçid də başa çatdırılıb”.

Rafael Hüseynov Azərbaycandakı azad internet məkanı haqqında da söz açıb, bu sahədə ölkədə yaradılmış münbit şəraitlə bağlı fikirlərini bölüşərək deyib: “Zamanında – kino yaranarkən minillərlə yaşı olan teatra həddən ziyadə ciddi, hətta onu ikinci plana keçirməyə qadir bir rəqibin yarandığı iddia edilirdi. Çox keçmədən bu mülahizələr özünü doğrultdu. 1895-ci ildə yaranan kino o vaxtacan bütün dünyanın mədəni həyatında ən ön sırada olmuş teatrı bir neçə onillik ərzində tam sıxışdırmağa nail olmasa da, hər halda ondan qabağa keçməyi, daha populyar olmağı bacardı. Televiziya isə eyni rəqabəti kino ilə, böyük ekranla aparmağa başladı. XX yüzilliyin sonundan isə internet onların hamısının, o cümlədən kitabın da, yazılı mətbuatın da ən ötkəm rəqibinə çevrildi. Azərbaycanda da eyni təmayüllər müşahidə edilməkdədir. Bizdə, Ümumdünya İqtisadi Forumunun hesabatına görə hazırda Azərbaycanda internet istifadəçilərinin sayı əhalinin 35 faizini təşkil edir. Ölkədə hər 100 nəfərə 20 kompüter düşür. Azərbaycanda bu gün 3 milli internet provayderi var. Ucqar bölgələri də nəzərə almaqla Azərbaycanın kənd yaşayış məntəqələrinin 35 faizi genişzolaqlı internetə çıxışa malikdir. Məhz belə azad internet fəzasına sahib olmağın nəticəsidir ki, ölkədə milyon yarımdan çox facebook istifadəçisi, minlərlə bloqqer fəaliyyət göstərir. Şəxsən mənim üçün facebook səhifəm həm öz qəzetim, həm də öz şəxsi radio-televiziyam deməkdir. Hazırladığın istənilən verilişi, yazını, audio və ya videomaterialı bir an içində hansısa redaktorların nəzarətindən, heç kimin iradəsindən asılı olmayaraq yaya bilmək nə böyük xoşbəxtlikdir. Bunu mən ona görə xoşbəxtlik adlandırıram ki, jurnalistika, efir fəaliyyətim zamanı bəzən bir ifadəni, bir cümləni yazının, yaxud verilişin mətnində saxlamağa nail olmaq üçün nə qədər əziyyətlər çəkdiyimiz, mübahisələr etdiyimiz, mübarizələr apardığımız yaxşı yadımdadır. Lakin belə azad internet fəzası, ifadə azadlığı üçün meydan açan bu qədər geniş radio-televiziya şəbəkəsi, qəzet-jurnallar bolluğu məsuliyyət hissinin də qat-qat artırılmasını, hər kəsin özünə öz redaktorluğunda daha tələbkar olmasını istəyir”.

Azərbaycanda kütləvi informasiya vasitələri ilə mükəmməl və daim təkmilləşdirilən qanunverici bazanın mövcudluğundan danışan Rafael Hüseynov bu istiqamətdə də Milli Məclisin bir çox dövlətlərlə müqayisədə xeyli irəli getmiş olmasını vurğulayaraq deyib: “Azərbaycanda bütün bunlarla bağlı yetərincə mükəmməl qanun bazası var. “Kütləvi informasiya vasitələri haqqında”, “Mətbuat azadlığı haqqında”, “Televiziya və radio yayımı haqqında”, “İnformasiya, informasiyalaşdırma və informasiya azadlığı haqqında”, “Müəllif hüququ və əlaqəli hüquqlar haqqında”, “Telekommunikasiya haqqında” bütövlükdə 6 qanunla tənzimlənir. Lakin yazılmamış, parlamentlərdə təsdiq edilməyən və dünyanın hər nöqtəsində olan hər informasiya yayıcısının, hər qələm sahibinin, hər jurnalistin daxilində daim nəbz kimi vurmalı olan bir qanun da var. Kütləvi informasiya vasitələrində çalışan hər kəsin mənəvi keyfiyyətlərini, cəmiyyət qarşısındakı məsuliyyət duyğusunu, peşə etikasının ən müxtəlif çalarlarını özündə birləşdirən əxlaq və peşəkarlıq kodeksi. O yazılı, rəsmən təsdiqlənmiş qanunlar da yalnız bu yazılmamış qanunla həmahəng olanda uğurla işləyir”.

Fikirlərini yekunlaşdıran Rafael Hüseynov konfrans iştirakçılarını, bütün mətbuat təmsilçilərini daha çox öyrənməyə, peşəkarlığı artırmağa hər an səy göstərməyə və daimi həmrəyliyə səslədi: “Bu gün dünya jurnalistləri bir-birinə keçmiş dövrlərdə olduğundan daha yaxındır. İnternetin yaratdığı ortaq məkan həm bir-birindən öyrənməyə geniş imkanlar, həm də dünyanın ən uzaq guşəsində belə hansısa təzyiqlə, təqiblə, haqsızlıqla qarşılaşan həmkarın dərhal səsinə səs verməyə, ona kömək göstərməyə şərait yaradır. Bu iki gözəl imkandan daha çox istifadə etdikcə inanıram ki, uğurlar həmişə bizimlə olacaq!”.

Pərvanə Qarayeva

AZƏRTAC-ın xüsusi müxbiri

Budapeşt

Xəbəri sosial şəbəkələrdə paylaşın

Bizi sosial şəbəkələrdə izləyin

Müəlliflə əlaqə

Çempionlar Liqası: “Qalatasaray” İngiltərədə “Mançester Yunayted”ə qalib gəlib

Bu gün Cəbrayıl Şəhəri Günüdür

Venesiyada avtobus yerüstü keçiddən aşıb, 21 ölü, 12 yaralı - YENİLƏNİB

Fərid Qayıbov ISESCO-nun baş direktoru ilə görüşüb

Avropa Kuboku: "Sabah" basketbol klubu ardıcıl ikinci qələbəsini qazanıb

SOCAR-ın birinci vitse-prezidenti Xoşbəxt Yusifzadə vəfat edib

Taylandda 4 minə yaxın ev daşqınlardan zərər çəkib

Azərbaycan Polşada keçirilən Beynəlxalq Musiqi Festivalında təmsil olunub

Şəhid Həsən Həsənovun xatirəsi anılıb

"Mercedes" traktorla toqquşdu bir nəfər öldü, bir nəfər yaralandı

Əmlak Məsələləri Dövlət Xidməti tərəfindən keçirilən növbəti hərracda 9 nəqliyyat vasitəsi satılıb

Adil Əliyev: Xalqımızın 30 il əvvəlki seçimi dövlətimizin qüdrətinin əsasını təşkil etdi

Dövlət Dumasının sədri Ermənistanın Roma statutunu qəbul etməsini strateji səhv adlandırıb

Cənubi Qafqazla bağlı “fəaliyyəti” “yarımçıq” qalan USAID yenidən öz ampluasında... ŞƏRH

“İkili standart siyasətini, nəhayət dayandırmaq lazımdır” - Elçin Əmirbəyov “Radio J” kanalına müsahibə verib

Ukrayna Milli Vəkillər Kollegiyası ilə əməkdaşlıq daha da gücləndirilir

Zərərvericilərin qışlama yerlərini maksimum azaltmaq üçün tikililərdə təmizləmə işləri aparılmalıdır

ABŞ-ın ən varlı vətəndaşlarının siyahısına İlon Mask başçılıq edir

Rumıniya qəzetində Türk dövlətlərinin əməkdaşlığı barədə məqalə dərc olunub

Nigeriyada qanunsuz fəaliyyət göstərən neft emalı zavodunda baş verən partlayışda 37 nəfər ölüb

APCICT təlim mərkəzinin heyəti və DİM nümayəndələri arasında görüş keçirilib

İtaliya xəbər portalı Qarabağda baş verən son hadisələrdən yazıb

Yürütdüyü şəffaf və sabit siyasət Azərbaycanın digər dövlətlərlə əlaqələrinin dərinləşməsinə imkan verib - RƏY

Kəmər güləşi üzrə Azərbaycan millisi Avropa ikincisi olub

Türkiyənin sənaye və texnologiyalar naziri “Bilişim Vadisi Bakı”da yeni rezidentlərin açılışını edib

Elm və təhsil naziri yüksək nəticə göstərən idmançılarla görüşüb

Türkiyənin rəsmi şəxslərinə “ASAN xidmət”in fəaliyyəti barədə məlumat verilib

Azərbaycan Respublikası Nazirlər Kabinetinin “Filmlərin yayımı və nümayişi Qaydaları”nın təsdiq edilməsi haqqında” 2006-cı il 6 iyul tarixli 165 nömrəli və “Azərbaycan Respublikasında gəmilərin dövlət qeydiyyatına alınması Qaydaları”nın təsdiq edilməsi barədə” 2010-cu il 4 iyun tarixli 105 nömrəli qərarlarında dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Azərbaycan Respublikası Nazirlər Kabinetinin 2015-ci il 2 fevral tarixli 21 nömrəli Qərarı ilə təsdiq edilmiş “Bağlaşma əsasında həqiqi hərbi xidmətə daxilolmanın halları və Qaydası”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Fərid Qayıbov Lənkəranda Regional Boks Mərkəzinin vəziyyəti ilə tanış olub

Parlamentdə dövlət ehtiyatları ilə bağlı yeni qanun layihəsi müzakirə olunub

“Heydər Əliyevin əsərləri Azərbaycan tarixini öyrənmək üçün mənbə kimi" - BDU-da elmi seminar

Azərbaycanda iki peyk istehsal olunacaq, 2026-cı və 2028-ci illərdə orbitə buraxılacaq

Milli Məclisin növbəti iclasının gündəliyi açıqlanıb

Bəxtiyar Əliyev: Döyüş əməliyyatlarının iştirakçılarına sosial dəstək dövlət siyasətinin əsas prioritetlərindəndir

AQTİ əməkdaşları Azərbaycan Texnologiya Universitetinin tələbələri ilə görüşüb

BDU-nun rektoru Beynəlxalq Astronavtika Akademiyasının fundamental elmlər üzrə müxbir üzvü seçilib

Şabranda səhiyyə müəssisəsində baş verən qanunsuzluqlarla bağlı cinayət işi başlanıb

Kolleclərin boş qalan yerlərinə qəbulun nəticələri elan olunub

Bu il kosmosa uçacaq Türkiyə astronavtı: Azərbaycan bu sahədə potensiallı ölkədir - MÜSAHİBƏ

Azərbaycan vəkilləri İngiltərədə “Hüquq İli”nin rəsmi açılışında iştirak ediblər

Azərbaycan güləşçisi: Qələbəmi Vətən uğrunda canından keçən şəhidlərimizə həsr edirəm - MÜSAHİBƏ

Dmitri Peskov: Azərbaycanlı dostlarımızın Qarabağ ermənilərinin təhlükəsizliyi və hüquqları barədə bəyanatlarını diqqətlə dinləyirik

Bakı Dövlət Universiteti Beynəlxalq Astronavtika Federasiyasına rəsmi üzv seçilib

İstehlakçılar və sahibkarlıq subyektləri sabit telefon xidmətinə qoşulmaq üçün nə etməlidir?

Azərbaycanlı diplomat “France 24” telekanalında Ermənistanı riyakarlığa son qoyaraq sülh masasına oturmağa çağırıb VİDEO

“Universal Pictures” İlon Mask haqqında filmin çəkilməsinə beynəlxalq hüquqlar əldə edib

Oktyabrın 4-nə olan USD/AZN rəsmi məzənnəsi

Azərbaycan İlahiyyat İnstitutunda Cəbrayıl Şəhəri Gününə həsr olunmuş tədbir

ADPU-da “EduSimbioz” layihəsinin bağlanış mərasimi keçirilib

74-cü Beynəlxalq Astronavtika Konqresinə həsr olunmuş poçt markalarının möhürlənmə mərasimi keçirilib VİDEO

Salim bin Məhəmməd əl-Malik: ICESCO Azərbaycanla əməkdaşlığı genişləndirməkdə maraqlıdır

On bir heyvan kəsimi və ət satışı məntəqəsində nöqsanlar aşkarlanıb

Fərid Qayıbov Masallı və Yardımlıda vətəndaşlarla görüşüb

Nazir Rəşad Nəbiyevin vətəndaş qəbulunun vaxtı dəyişdirilib

Lənkəranda “Məşğulluğa dəstək layihəsi”nə dair ictimai dinləmə keçiriləcək

Bir telekanala və bir radioya Qarabağda yayım üçün lisenziya verilib

Ciorcia Meloni: İtaliya Avropanın enerji təchizatı habına çevrilmək istəyir

Bu günədək 416 hektar meşə fondu ərazisi payız əkin mövsümü üçün hazır vəziyyətə gətirilib

“Xəzri-2023” birgə taktiki təliminin məşqləri icra olunub

Dövlət Komitəsində keçmiş məcburi köçkünlərin müraciətləri dinlənilib

Nazirlik: Valideyn və şagirdlər tərəfindən müəllimlərə hədiyyələrin verilməsi yolverilməzdir

“Sumqayıt”ın hücumçusu Azərbaycan millisi ilə oyuna dəvət alıb

BDU-da “QS Quacquarellı Symonds” Agentliyi ilə Azərbaycanın ali məktəblərinin rəhbərləri arasında görüş

Ən çox yanğın təhlükəsi olan ərazilər Naxçıvan MR-də və Qazax-Gəncə bölgəsində qeydə alınıb

Beynəlxalq Astronavtika Konqresinin plenar iclasında əməkdaşlıq və infrastruktur mübadiləsindən danışılıb

Ulu Öndərin ilk dəfə prezident seçilməsinin 30-cu ildönümü ilə əlaqədar silsilə tədbirlər keçirilib

Qaradağda evdə yanğın olub, bir nəfər ölüb

Azərbaycan incəsənət ustaları Polşada Musiqi Festivalında iştirak ediblər

Kino Agentliyi film layihələri müsabiqəsinin birinci mərhələsinə yekun vurub

Azərbaycanda dövlət qadın siyasətinin əsas prinsiplərinin müəyyən edilməsi Ulu Öndərin adı ilə bağlıdır

Türkiyəli professor Radiasiya Problemləri İnstitutunda sensor texnologiyaları ilə bağlı seminar keçirib

İngiltərə məktəblərində mobil telefonlar qadağan ediləcək

Azərbaycanın daha 13 güləşçisi Bakıdakı yarışda medal qazanıb

BDU və İstanbul Texniki Universiteti arasında ikili diplom proqramlarının yaradılması müzakirə olunub

Yaponiyalı astronavt Bakıdakı tədbirdə kosmosda başına gələn hadisələri danışıb

Şəhid övladları üçün master-klas təşkil edilib

35 nəfər “SABAH” məzunu “2022–2026 Dövlət Proqramı” təqaüdçüsü adını qazanıb

7-ci “DokuBaku” Sənədli Filmlər Festivalı başa çatıb

Abşeronlular “Təmiz ölkəm” aksiyasına qoşulublar

Aygün Əliyeva: İcrası başa çatan 54 layihənin yekun nəticələri təhlil edilir

Kataliz və Qeyri-üzvi Kimya İnstitutunun gənc alimi Horizon Avropa düşərgəsində iştirak edib

Baş Prokurorluq: İrandakı səfirliyimizə qarşı terror aktı törətmiş şəxs barədə yekun qərar qəbul edilməyib

Türkiyədə 928 nəfər terrorizm şübhəsi ilə saxlanılıb

Ədəbiyyat İnstitutunun Elmi şurasının iclasında bir sıra mühüm məsələlər müzakirə edilib

Cənubi Koreyada helikopter qəzası nəticəsində pilot həlak olub

® “Silk Way West Airlines”ın ilk “Boeing 777F” təyyarəsinin Sietldən Bakıya uçuşu

KOBİA-nın Müşahidə Şurasının iclası keçirilib

Azərbaycan millisinin sabiq futbolçusu məşqçi kurslarına qatılıb

2018-2022-ci illərdə Bosniya və Herseqovinanın Rəyasət Heyətinin üzvü, Nizami Gəncəvi Beynəlxalq Mərkəzinin üzvü Şefik Caferoviçdən

DİM-də kimya fənni üzrə imtahan proqramı müzakirə olunub

Binəqədi və Abşeron rayonlarının, həmçinin Sumqayıtın sərhədləri ilə bağlı məsələ parlamentin plenar iclasa tövsiyə olunub

“l’Opinion”: Macarıstan və Rumıniya Aİ-nin Azərbaycana qarşı sanksiyaların tətbiqi ilə bağlı Fransa və Niderlandın səylərini bloklayır

Azərbaycanda Türk Abidə Menecerləri Şəbəkəsi təsis ediləcək

Beynəlxalq STEAM Azərbaycan Festivalına qeydiyyat müddəti uzadılıb

Samir Səmədov: Həyatda olduğu kimi, baletdə də ya rəzillər, ya da seçilmişlər sağ qalır MÜSAHİBƏ

Neftçalanın 11 kəndinin içməli su təchizatının yaxşılaşdırılması üçün yeni magistral su kəməri inşa ediləcək

İmişlidə yol tikintisinə 15,8 milyon manat ayrılıb - SƏRƏNCAM

Mir Cəlal yaradıcılığı Almaniyanın ədəbiyyat jurnalında

İmişli rayonunun Ağsu–Kürdəmir–Bəhrəmtəpə (71 km)–Məmmədli–Ağamalılar–Əlyetməzli–Allahmədətli–Telişli avtomobil yolunun tikintisi ilə bağlı tədbirlər haqqında
Azərbaycan Respublikası Prezidentinin Sərəncamı