ELM VƏ TƏHSİL


Azərbaycan Dövlət Neft və Sənaye Universiteti müasir texniki imkanlara malik şirkətlərlə əməkdaşlığı davam etdirir

Bakı, 26 noyabr, AZƏRTAC

Noyabrın 26-da Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı “Canon” şirkətinin Cənubi Qafqazda tərəfdaşı olan “DiVi” şirkətinin direktoru Emin Quliyevlə görüşüb.

Universitetdən AZƏRTAC-a bildirilib ki, görüşdə “DiVi” şirkəti ilə ADNSU-nun əməkdaşlıq əlaqələri müzakirə olunub. ADNSU-nun rektoru, professor Mustafa Babanlı universitetin müxtəlif sahələrdə bir neçə şirkətlə, o cümlədən “DiVi” ilə əməkdaşlıq etdiyini diqqətə çatdırıb. Bildirib ki, bu gün ADNSU dünyada informasiya texnologiyaları sahəsində olan yenilikləri xüsusilə diqqətdə saxlayır. Ali təhsil ocağında uğurlu tədrisin və elmi nailiyyətlərin əldə olunmasında müasir texnologiyanın tətbiqinə geniş yer verilir. Bu gün ADNSU-nun universitet olaraq hədəfi, həmçinin müasir tələblərə cavab verən elmi-tədqiqat müəssisəsi olmaqdır. Uğurlu fəaliyyət üçün də ən müasir texniki imkanlardan geniş istifadə mütləqdir.

“DiVi” şirkətinin direktoru Emin Quliyev əməkdaşlıq əlaqələrinin daha da genişlənəcəyini vurğulayıb. Görüşün sonunda “DiVi” şirkəti tərəfindən “Canon” markalı müasir texniki imkanlara malik printer universitetə hədiyyə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.