ELM VƏ TƏHSİL


Azərbaycan Dövlət Pedaqoji Universiteti ilə Rusiya İnformasiya və Mədəniyyət Mərkəzi arasında əməkdaşlıq məsələləri müzakirə edilib

Bakı, 12 fevral, AZƏRTAC

Fevralın 12-də Azərbaycan Dövlət Pedaqoji Universitetində (ADPU) Rusiya İnformasiya və Mədəniyyət Mərkəzinin (RİMM) yeni rəhbəri İrek Zinnurov ilə görüş keçirilib.

Bu barədə AZƏRTAC-a ADPU-dan məlumat verilib. Bildirilib ki, görüşdə universitetin rektoru, professor Cəfər Cəfərov ADPU ilə Rusiyanın təhsil müəssisələri və RİMM arasında geniş əlaqələrdən danışıb, ali təhsil ocağı haqqında məlumat verib.

Rektor vurğulayıb ki, Azərbaycanda müəllim hazırlayan ən böyük ali təhsil müəssisəsi olaraq ADPU-nun tərkibində 5 filial, kollec və baza məktəbi mövcuddur. Universitetdə 8 fakültə üzrə müəllim hazırlığı aparılır. Fakültələrin hər birində rus bölməsi fəaliyyət göstərir. Hazırda ADPU-da rus bölmələri üzrə 600-dən çox tələbə təhsil alır.

İrek Zinnurov RİMM-in fəaliyyəti və yeni strategiyası haqqında geniş məlumat verib. O, gələcək əməkdaşlığın vacib olduğunu deyib.

Görüşdə ölkələrimiz arasında bütün istiqamətlərdə əməkdaşlığın olduğunu qeyd edən tərəflər təhsil sahəsində gələcək işlər haqqında fikir mübadiləsi aparıblar. Bu görüşün iki qurum arasında əlaqələrin inkişafında müstəsna rol oynayacağını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.