CƏMİYYƏT


Azərbaycan-Gürcüstan-Türkiyə üçtərəfli parlament əməkdaşlığının perspektivləri müzakirə olunub

Tbilisi, 28 iyul, AZƏRTAC

Türkiyədə səfərdə olan Gürcüstanın xarici işlər naziri İlya Darçiaşvili Türkiyə Böyük Millət Məclisinin (TBMM) sədri Mustafa Şəntopla görüşüb.

AZƏRTAC xəbər verir ki, bu barədə Gürcüstanın Xarici İşlər Nazirliyi məlumat yayıb.

Bildirilib ki, tərəflər Gürcüstan ilə Türkiyə arasındakı strateji tərəfdaşlığın uğurla inkişaf etdiyini vurğulayıb, iki ölkənin parlamentləri və komitələri arasındakı əməkdaşlıq məsələlərini müzakirə ediblər.

Görüşdə Azərbaycan-Gürcüstan-Türkiyə üçtərəfli əməkdaşlıq formatında parlamentlərarası fəal əlaqələr vurğulanıb.

Tərəflər Azərbaycan-Gürcüstan-Türkiyə əməkdaşlığının üçtərəfli formatında fəal parlament əlaqələrinin də olduğunu vurğulayıblar.

TBMM-in sədri Türkiyənin Gürcüstanın suverenliyi və ərazi bütövlüyünə, həmçinin Gürcüstanın xarici siyasi prioritetlərinə ikitərəfli və çoxtərəfli formatlarda güclü dəstəyini bir daha təsdiqləyib.

Tərəflər bölgədə təhlükəsizlik çağırışlarını nəzərdən keçirib, sülh və sabitliyə nail olmaq üçün birgə səylərinin vacibliyini qeyd ediblər.

 
Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.