İDMAN


Azərbaycan Premyer Liqası: “Qarabağ” komandası “Sumqayıt”a 4:1 hesabı ilə qalib gəlib

Bakı, 22 sentyabr, AZƏRTAC 

Bu gün Azərbaycan Premyer Liqasının altıncı turuna start verilib.

AZƏRTAC xəbər verir ki, Tofiq Bəhramov adına stadionda keçirilən “Qarabağ” – “Sumqayıt” qarşılaşmasının yeddinci dəqiqəsində hesabı qonaqları açıb. Topu Ağdam komandasının qapısından Bəxtiyar Həsənlizadə keçirib. Görüşün ilk hissəsi bu hesabla başa çatıb.

Matçın 56-cı dəqiqəsində Pedro Enrike hesabı bərabərləşdirib. Təşəbbüsü ələ alan “Qarabağ” görüşün 62-ci dəqiqəsində Riçard Almeydanın penaltidən vurduğu qolla hesabda irəli çıxıb - 2:1. Bundan üç dəqiqə sonra Mahir Mədətov hesab arasındakı fərqi iki topa çatdırıb 3:1. Oyunun 73-cü dəqiqəsində M.Mədətov dubla imza atıb - 4:1. Bu, oyunda vurulan sonuncu qol olub.

Qeyd edək ki, görüşün 88-ci dəqiqəsində “Qarabağ”ın yarımmüdafiəçisi Miçel Markos Madera qırmızı vərəqə ilə cəzalandırılıb.

Turun digər oyunları sentyabrın 23-də və 24-də keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.