İDMAN


Azərbaycan Premyer Liqası: “Sabah” - “Səbail” qarşılaşmasında hesab açılmayıb

Bakı, 23 fevral, Nicat Məmmədov, AZƏRTAC

Fevralın 23-də futbol üzrə Azərbaycan çempionatının 18-ci turunun növbəti oyununda “Sabah” komandası “Səbail” klubunu qəbul edib.

AZƏRTAC xəbər verir ki, “Bank Respublika Arena”da oynanılan görüşdə hesab açılmayıb. Matçın 15-ci dəqiqəsində “Sabah” klubunun futbolçusu Yevqeni Koçuk qırmızı vərəqə ilə cəzalandırılıb.

Hazırda “Sabah” 20 xalla 6-cı, “Səbail” 19 xalla 7-ci pillədə qərarlaşıb.

Bu komandalar indiyədək altı dəfə qarşılaşıblar. Oyunlardan üçündə “Sabah”, iksində isə “Səbail” qələbə qazanıb, bir matçda heç-heçə qeydə alınıb. Topların nisbətində də “Sabah” öndədir - 9:7.

Xatırladaq ki, turun birinci oyun gündə “Neftçi” səfərdə “Qəbələ”ni (2:0), “Keşlə” isə öz meydanında “Zirə”ni (4:0) məğlub edib.

Tura “Qarabağ” - “Sumqayıt” oyunu ilə yekun vurulacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.