MƏDƏNİYYƏT


Azərbaycan Tehranda beynəlxalq kitab sərgi-yarmarkasında təmsil olunacaq

Tehran, 6 may, AZƏRTAC

İranın Mədəniyyət və İslam İrşad Nazirliyinin təşkilatçılığı ilə mayın 11-dən 21-dək Tehranda 33-cü beynəlxalq kitab sərgi-yarmarkası keçiriləcək.

AZƏRTAC xəbər verir ki, bu il fəaliyyətini bərpa edən sərgi-yarmarkada dünyanın 170 ölkəsinin kitab evi, nəşriyyatı və kitabxanasının iştirakı nəzərdə tutulub. Artıq 14 xarici nəşriyyat evi sərgi-yarmarkada iştirak etmək üçün sifariş verib.

Ənənəvi olaraq Tehranda keçirilən bu tədbirdə Yaxın Şərq, Asiya və Avropa ölkələrində fəaliyyət göstərən tanınmış nəşriyyatlar və kitabxanalar iştirak edir. Sərgi-yarmarka çərçivəsində dünyaca tanınmış yazıçıların imza günləri keçirilir.

Bu il keçiriləcək sərgi-yarmarkada ölkəmizi M.F.Axundzadə adına Azərbaycan Milli Kitabxanası təmsil edəcək.

Qeyd edək ki, COVID-19 pandemiyası ilə əlaqədar 2020-2021-ci illərdə bu sərgi-yarmarka keçirilməyib.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.