İDMAN


Azərbaycan U-21 millisinin baş məşqçisi Milan Obradoviç: Bizim üçün çox maraqlı və çətin oyun oldu

Sumqayıt, 8 sentyabr, Ətrabə Rzayeva, AZƏRTAC 

“Kapital Bank Arena” stadionunda 21 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyunda Fransa ilə qarşılaşıb. Oyun 2:1 hesabı ilə qonaqların xeyrinə başa çatıb.

AZƏRTAC xəbər verir ki, matçdan sonda keçirilən mətbuat konfransında Azərbaycan U-21 millisinin baş məşqçisi Milan Obradoviç deyib: “Bizim üçün çox maraqlı və çətin oyun oldu. Rəqib çox yaxşı oynayırdı. Digər tərəfdən, matça müəyyən səbəblərdən 7-8 oyunçunu çağıra bilmədim. Koronavirus pandemiyası buna mane oldu. Üstəlik, bir sıra futbolçularımız əsas komandaya dəvət aldılar. Ona görə də əlimizdəkilərdən maksimum yararlanmağa çalışdıq.

Birinci hissədə topu tez-tez itirir, topu saxlamaqda çətinlik çəkirdik. İkinci hissədə daha yaxşı oyun sərgilədik. Risk edərək iki hücumçu ilə oynadıq. Bütün oyunçularımıza minnətdaram. Onlara bildirdim ki, üzərində işləməli olacağımız məqamlar çoxdur”, - deyə Milan Obradoviç bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.