ELM VƏ TƏHSİL


Azərbaycan alimlərinin məqaləsi nüfuzlu beynəlxalq jurnalda yer alıb

Bakı, 13 fevral, AZƏRTAC

Azərbaycan alimlərinin məqaləsi 1-ci Azərbaycan-Rusiya birgə beynəlxalq qrant müsabiqəsi və Azərbaycan Milli Elmlər Akademiyasının (AMEA) elmi-tədqiqat proqramları çərçivəsində “Thomson Reuters” beynəlxalq bazasında referatlaşdırılmış “Journal of Optimization Theory and Applications” (https://www.springer.com/mathematics/journal/10957) 1.234 impakt faktorlu jurnalda dərc edilib.

AMEA-nın Riyaziyyat və Mexanika İnstitutundan AZƏRTAC-a bildiriblər ki, məqalənin müəllifləri elmi işlər üzrə direktor müavini, akademiyanın müxbir üzvü Vaqif Quliyev, əməkdaşı, professor Rövşən Bəndəliyev və İdarəetmə Sistemləri İnstitutunun əməkdaşları - professor İlqar Məmmədov, dosent Yasin Rüstəmovdur.

“Dəyişən dərəcəli Sobolev fəzalarında Bianki tənliyi üçün optimal idarəetmə məsələsi” (https://link.springer.com/article/10.1007/s10957-018-1290-9) sərlövhəli məqalədə əmsalları dəyişən dərəcəli Lebeq fəzasından olan üçüncü tərtib Bianki tənliyi ilə təsvir olunmuş paylanmış parametrli optimal idarəetmə məsələsi üçün Pontryaqin maksimum prinsipi isbat edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.