İQTİSADİYYAT


Azərbaycan beynəlxalq İKT sammitində təmsil olunacaq

Bakı, 8 sentyabr (AZƏRTAC). Azərbaycan sentyabrın 23-də Daşkənddə keçiriləcək informasiya-kommunikasiya texnologiyaları (İKT) sammitində təmsil olunacaq.

Sammit “İnfoCom-2014” İKT həftəsi çərçivəsində təşkil ediləcək.

Rabitə və Yüksək Texnologiyalar Nazirliyindən AZƏRTAC-a bildirilib ki, bu il tədbirdə Azərbaycan ilə yanaşı, Koreya Respublikası, Rusiya, Belarus, Qazaxıstan, Tacikistan, Estoniya, Almaniya, Niderland Krallığı, Çex Respublikası və digər ölkələrin nümayəndələrinin iştirakı gözlənilir.

Sammitə hər il beynəlxalq təşkilatların, dövlət və biznes sektorunun nümayəndələri qatılırlar. Mütəxəssislər İKT-nin son bir ildə inkişaf tempini, gələcək inkişaf istiqamətlərini, bu sahədə dünya tendensiyalarını müzakirə etmək, təcrübə mübadiləsi aparmaq üçün toplaşırlar. Artıq tədbirə qeydiyyat və məruzələrin qəbulu başlanılıb. Teledebatların ümumi sayı 500 nəfərdən çox olacaq.

Sammitin bölmə iclasları “Dövlət sektorunda İKT”, “Biznesdə İKT” və “İnformasiya resursları və internet” mövzuları üzrə aparılacaq. Əsas müzakirə mövzularından biri “Elektron hökumət”in inkişafı olacaq. İştirakçılar, eyni zamanda, ölkələrdə milli informasiya-kommunikasiya texnologiyalarının inkişafı proqramlarının reallaşdırılması sahəsində nailiyyətlər və problemlər, İKT-nin müxtəlif sahələrdə tətbiqi, tənzimləmə siyasəti və s. aktual məsələləri müzakirə edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.