İDMAN


Azərbaycan boksçularının Avropa birinciliyində ilk rəqibləri müəyyənləşib

Bakı, 27 sentyabr, AZƏRTAC

İtaliyanın Montesilvano şəhərində yeniyetmə oğlan və qız boksçular arasında keçiriləcək Avropa birinciliyinin püşkü atılıb. Sentyabrın 27-də start götürəcək yarışda Azərbaycan yığmasının idmançılarının da ilk rəqibləri müəyyənləşib.

AZƏRTAC Azərbaycan Boks Federasiyasına istinadla xəbər verir ki, turnirin ilk günündə rinqə 1 boksçumuz çıxacaq. İbrahim Zeynalov (52 kq) irlandiyalı Con Hartla üz-üzə gələcək.

Sentyabrın 28-də Faiq Mollayev (46 kq) Polşa idmançısı İqor Uşinyak, Aynur Mikayılova (50 kq) almaniyalı Byanka Balint, ertəsi gün Bilalhabasi Nəzərov (48 kq) Rıza Səfəri (İngiltərə), Tağı Nəsibov (50 kq) italiyalı Cuzeppe Dell Aquila, Məhəmmədəli Aşurəliyev (54 kq) litvalı Armandas Kreqzde, Məhəmmədəli Qasımzadə (57 kq) Almaniya boksçusu Nik Smirnov, Ziya Həsənova (66 kq) estoniyalı Stefan Ananyev, ayın 30-da Aysu İsmayılova (46 kq) Mariya Trifilli (Yunanıstan), Nərmin Əlizadə (48 kq) Mahur Marikyan (Ermənistan), Qızbəs İsgəndər (54 kq) ingiltərəli Ella-Mae Lonsdale, Emili Rzayeva (70 kq) isə ukraynalı Olqa Filipçuk ilə qarşılaşacaq.

Avropa birinciliyində 33 ölkədən 378 (250 oğlan, 128 qız) idmançı qüvvəsini sınayacaq. Yarışın qaliblərinin adına oktyabrın 4-də aydınlıq gələcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.