İDMAN


Azərbaycan boksçusu Bəxtiyar Qazıbəyov bu gün dünya çempionatında ilk görüşünə çıxacaq

Bakı, 12 sentyabr, AZƏRTAC

Sentyabrın 12-də Azərbaycan boksçusu Bəxtiyar Qazıbəyov Rusiyanın Yekaterinburq şəhərində keçirilən dünya çempionatında ilk görüşünə çıxacaq.

AZƏRTAC xəbər verir ki, 63 kiloqram çəki dərəcəsində mübarizə aparan boksçumuzun rəqibi qazaxıstanlı Zakir Safyullin olacaq.

Dünya çempionatı yeni qaydalara əsasən 8 çəkidə təşkil olunur. Yekaterinburqda EXPO Arenada baş tutan yarışda təsnifat mərhələsinin döyüşləri sentyabrın 17-dək keçiriləcək. Ayın 18-də boksçular dörddəbir final mərhələsinin qarşılaşmalarına çıxacaqlar. Ertəsi gün istirahət edəcək idmançılar sentyabrın 20-də yarımfinal görüşlərini keçirəcəklər. Qaliblərin adına isə ayın 21-də aydınlıq gələcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.