İDMAN


Azərbaycan güləşçisi Dünya Çimərlik Oyunlarının bürünc medalçısı elan olunub

Bakı, 23 fevral, AZƏRTAC

Dünya Çimərlik Oyunlarının güləş yarışlarında iki çəkidə medalçılar dəyişib. Ümumdünya Antidopinq Agentliyi (WADA) 2019-cu ilin oktyabrında Qətərin paytaxtı Dohada keçirilmiş ilk Dünya Çimərlik Oyunlarının güləş yarışlarında qadınlarda 50 kiloqramda, kişilərdə isə 90 kiloqramdan yuxarı çəki dərəcələrində çıxış edən idmançılardan birinin dopinq testinin müsbət çıxdığını elan edib.

AZƏRTAC Azərbaycan Güləş Federasiyasına istinadla xəbər verir ki, qadağan olunmuş preparatdan istifadə etdiyi aşkarlanan iranlı Puya Rəhmani qazandığı qızıl medaldan məhrum olub. Nəticədə ən ağır çəkidə növbəti yerləri tutanlar müvafiq olaraq bir pillə yüksəliblər. Beləliklə, Ufuk Yılmaz (Türkiyə) qızıl, Mamuka Kordzaya (Gürcüstan) gümüş, güləşçimiz Oyan Nəzəriani isə bürünc medalçı elan olunublar. Qeyd edək ki, O.Nəzəriani yarımfinalda dopinqdən istifadə edən Rəhmaniyə məğlub olmuşdu.

Bununla da ilk Dünya Çimərlik Oyunlarında güləşçilərimizin qazandığı medalların sayı üçə çatıb. Xatırladaq ki, Pənah İlyaslı (70 kq) və İbrahim Yusubov (80 kq) Dohada gümüş medal qazanıb

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.