CƏMİYYƏT


Azərbaycan ilə TÜRKPA arasında əməkdaşlıq məsələləri müzakirə edilib

Nur-Sultan, 17 sentyabr, AZƏRTAC 

Azərbaycanın Qazaxıstandakı səfiri Rəşad Məmmədov Türkdilli Ölkələrin Parlament Assambleyasının (TÜRKPA) Baş katibi Altınbek Mamayusupovla görüşüb.

AZƏRTAC xəbər verir ki, görüş TÜRKPA rəhbərinin Qazaxıstana səfəri çərçivəsində ölkəmizin Nur-Sultandakı səfirliyində baş tutub.

Görüşdə TÜRKPA-nın Baş katibi təşkilatın fəaliyyəti, parlamentlərarası əməkdaşlıq, bəzi üzv ölkələrdə seçkilərə hazırlıq və qurumun həyata keçirdiyi layihələr barədə ətraflı məlumat verib.

Səfir Rəşad Məmmədov Qazaxıstan Parlamenti Senatına keçirilən seçkilərdə üzv dövlətlərin adından buradakı diplomatik nümayəndəliklərin təmsilçilərindən ibarət Türk Şurası müşahidə missiyasına Azərbaycanın rəhbərliyi barədə məlumat verib.

Diplomat Azərbaycan səfirliyinin Qazaxıstan Respublikası Parlament Məclisi və Senatı ilə sıx əlaqələr qurduğunu, Beynəlxalq Türk Akademiyası ilə hərtərəfli və səmərəli əməkdaşlıq etdiyini diqqətə çatdırıb.

Görüşdə qarşılıqlı maraq doğuran digər məsələlərlə bağlı fikir mübadiləsi də aparılıb.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.