CƏMİYYƏT


“Azərbaycan yanındadır, Türkiyəm” adlı klip hazırlanıb VİDEO

Bakı, 3 avqust, AZƏRTAC

Azərbaycan Ordusunun Sənədli və Tədris Filmləri Mərkəzi Əməkdar incəsənət xadimi, Prezidentin fərdi təqaüdçüsü, şair-publisist, polkovnik Abdulla Qurbaninin Türkiyənin müxtəlif bölgələrində baş vermiş güclü meşə yanğınları ilə əlaqədar qardaş türk xalqına ünvanlanan “Azərbaycan yanındadır, Türkiyəm” şeiri əsasında klip hazırlayıb.

AZƏRTAC xəbər verir ki, klipdə Azərbaycan Prezidenti İlham Əliyevin yanğınlarla əlaqədar Türkiyə Prezidenti Rəcəb Tayyib Ərdoğana ünvanladığı məktubda əks olunan fikirlərə xüsusi yer verilib. Klipdə, həmçinin qardaş türk xalqının yanğınların qarşısının alınmasında göstərdiyi fədakarlıq tərənnüm olunur. “Bir millət, iki dövlət” olan qardaş xalqlarımızın bu çətin günlərdə çiyin-çiyinə verərək yanğınların söndürülməsində göstərdiyi əzmkarlıq xüsusi vurğulanır. Eləcə də tarix boyu bir sıra çətinliklərin öhdəsindən uğurla gələn Türkiyə dövlətinin və türk xalqının bu ağır sınaqdan da üzüağ çıxacağına qəti əminlik ifadə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.