ELM VƏ TƏHSİL


Azərbaycanda Amur enlibaşı və Koreya kilqarını balıq növlərinə rast gəlinib

Bakı, 23 sentyabr, AZƏRTAC

Azərbaycan faunasında ilk dəfə Amur enlibaşı və Koreya kilqarını balıq növlərinə rast gəlinib.

AZƏRTAC xəbər verir ki, bunu Azərbaycan Milli Elmlər Akademiyası Zoologiya İnstitutunun hidrobiologiya laboratoriyasının aparıcı elmi işçisi Namiq Mustafayev “Azərbaycanın daxili su hövzələri balıqlarının morfo-bioloji və ekoloji xüsusiyyətləri, vətəgə balıqlarının ehtiyatlarının tənzim olunması yolları” mövzusunda doktorluq dissertasiya işinin müzakirəsi zamanı bildirib.

Bu balıq növlərinin yayılmasının, morfoloji, bioloji, ekoloji xüsusiyyətlərinin ətraflı öyrənildiyini bildirən N.Mustafayev deyib: “Tədqiqat zamanı məlum olub ki, hər iki növ Amur çayı hövzəsində yaşayan tipik növdən morfoloji əlamətlərinə görə fərqlənmir. Bu növlər yerli faunanın nümayəndələri ilə qida rəqabəti aparmaqla yanaşı, onların kürüləri ilə də qidalanmaqla balıq ehtiyatlarına mənfi təsir göstərirlər”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.