REGİONLAR


Azərbaycanda insan hüquqları konsepsiyasının əsası Ulu Öndər tərəfindən qoyulub

Cəlilabad, 11 iyun, Bağır Əliyev, AZƏRTAC

İyunun 11-də Azərbaycan Respublikasının İnsan Hüquqları üzrə Müvəkkilinin (Ombudsmanın) Cəlilabad Regional Mərkəzi, Cəlilabad Rayon İcra Hakimiyyəti, Rayon Gənclər və İdman İdarəsi və Rayon Heydər Əliyev Mərkəzinin birgə təşkilatçılığı ilə “İnsan hüquqları aylığı” çərçivəsində “Ümummilli lider Heydər Əliyev Azərbaycanda insan hüquqları konsepsiyasının banisidir” mövzusunda tədbir keçirilib.

AZƏRTAC-ın bölgə müxbiri xəbər verir ki, tədbir iştirakçıları əvvəlcə ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad ediblər.

Cəlilabad Rayon Heydər Əliyev Mərkəzində keçirilən tədbirdə Azərbaycan Respublikasının Dövlət Himni səsləndirilib, iştirakçılar gənc rəssamların ulu öndər Heydər Əliyevin həyat və yaradıcılığına həsr olunan sərgisi ilə tanış olublar.

Tədbirdə çıxış edənlər ümummilli lider Heydər Əliyevin Vətən və xalq qarşısında misilsiz xidmətlərindən danışıb, Azərbaycanda insan hüquqları konsepsiyasının əsasının Ulu Öndər tərəfindən qoyulduğunu vurğulayıblar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.