İDMAN


Azərbaycanı UEFA Gənclər Liqasının 2019/2020-ci il mövsümündə “Qəbələ” təmsil edəcək

Bakı, 13 mart, AZƏRTAC

Azərbaycanı 2019/2020-ci il mövsümündə avrokuboklarda təmsil edəcək ilk futbol klubu müəyyənləşib.

AZƏRTAC xəbər verir ki, bu, əyalət təmsilçisi “Qəbələ” komandasıdır. Famil Xəlilovun rəhbərlik etdiyi kollektiv AFFA-nın təşkil etdiyi Gənclər Liqasının XXII turunda “Qarabağ”ı 1:0 hesabı ilə üstələməklə, xalını 60-a çatdırıb və çempionluğu erkən təmin edib.

“Qəbələ” bununla da UEFA Gənclər Liqasına vəsiqə qazanıb.

Qeyd edək ki, “Qəbələ”nin turnir cədvəlindəki ən yaxın izləyicisi “Keşlə” evdə “Sumqayıt”ı 5:1 hesabı ilə məğlub etməklə, xalını 42-ə çatdırıb. Mövsümün başa çatmasına 6 tur qalmış paytaxt klubu ilə əyalət təmsilçisi arasında xal fərqi 18 olsa da, bakılılar şəxsi oyunlarda rəqibindən aşkar geri qalır (0:2, 0:3, 0:5).

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.