İDMAN


Azərbaycanın Uşaq Paralimpiya Komitəsinin fəaliyyəti maraqla qarşılanıb

Bakı, 12 sentyabr, AZƏRTAC

Azərbaycan Milli Paralimpiya Komitəsinin (AMPK) prezidenti İlqar Rəhimov Belçikanın Azərbaycandakı səfiri Bert Şufs ilə görüşüb.

AMPK-dan AZƏRTAC-a bildiriblər ki, komitənin ofisində keçirilən görüşdə UNİSEF-in Azərbaycandakı nümayəndəsi Edvard Karvardin də iştirak edib.

Görüşdə AMPK-nın prezidenti İ.Rəhimov qonağa komitənin fəaliyyəti və əldə olunan nailiyyətlər barədə məlumat verib. O qeyd edib ki, paralimpiya əlilliyi olan şəxslərin cəmiyyətə inteqrasiyası üçün ən uğurlu vasitələrdən biridir. Azərbaycan kiçik ölkə olmasına baxmayaraq, ölkədə 7 paralimpiya çempionumuz var.

Komitə prezidenti Azərbaycanda əlilliyi olan uşaqların da idmana cəlb edilməsi üçün 2013-cü ildə ölkədə Uşaq Paralimpiya Komitəsinin yaradıldığını deyib. Bildirib ki, hər il uşaq paralimpiyaçılar müxtəlif beynəlxalq yarışlarda ölkəmizi uğurla təmsil edirlər.

Səfir B.Şufs ölkəsinin paralimpiya dəyərlərinə önəm verdiyini bildirib. O, Uşaq Paralimpiya Komitəsinin fəaliyyətini maraqla qarşılayıb. Diplomat, həmçinin Azərbaycanda uşaq paralimpiya hərəkatının yaradılmasının ölkəsində də marağa səbəb olacağını qeyd edib.

Söhbət zamanı gələcək əməkdaşlığa dair bir sıra məsələlər müzakirə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.