“Azəriqaz” İstehsalat Birliyi dörd ayda 3 milyard 817 milyon kubmetr təbii qaz qəbul edib

Bakı, 6 may, AZƏRTAC

Bu ilin yanvar-aprel ayları ərzində “Azəriqaz” İstehsalat Birliyi 3 milyard 817 milyon kubmetr təbii qaz qəbul edib.

AZƏRTAC xəbər verir ki, bunu Birliyin baş direktoru Ruslan Əliyev “Açıq qapı” aksiyasında bildirib.

Onun sözlərinə görə, bu ilin 4 ayı ərzində qəbul edilən təbii qazın həcmi 891 milyon sənaye xətləri, 2 milyard 926 milyon kubmetr əhali xətləri üzrə olub. Bu, ötən ilin eyni dövrü ilə müqayisədə qaz qəbulunda 321 milyon kubmetr artım deməkdir.

Baş direktor bu ilin aprel ayında isə Birlik tərəfindən 540 milyon kubmetr təbii qaz qəbul olunduğunu qeyd edib.