ELM VƏ TƏHSİL


BƏƏ rəqəmsal hökumətlərin dünya üzrə reytinqində altı pillə irəliləyib

Abu-Dabi, 21 avqust, AZƏRTAC

Birləşmiş Ərəb Əmirlikləri (BƏƏ) 2017-ci ildə rəqəmsal hökumətlərin dünya üzrə reytinqində 40-cı yerdən 34-cü yerə qalxıb. Əmirliyin Zawyacо nəşri bu barədə Yaponiyadakı Waseda universitetinin Elektron Hökumət İnstitutunun son tədqiqatlarına istinadla məlumat verib.

AZƏRTAC xəbər verir ki, Tokio Universitetinin və International Academy of CIO çərçivəsində dünya səviyyəli daha 10 universitetin mütəxəssisləri tərəfindən aparılmış araşdırmalar nəticəsində BƏƏ rəqəmsal hökumətin inkişafına görə 9-cu yeri və istifadəçilərin rəqəmsal fəaliyyətə cəlb edilməsinə görə 7-ci tutub.

2017-ci ildə bu reytinqdə 1-ci yer yenə Sinqapura verilib. İlk onluqda sonrakı yerləri Danimarka, ABŞ, Yaponiya, Estoniya, Kanada, Yeni Zelandiya, Koreya, Böyük Britaniya və Tayvan tutur.

Ərəb ölkələri arasında birinci yeri (və dünyada 41-ci yeri) Bəhreyn, sonrakı iki yeri isə Oman və Səudiyyə Ərəbistanı tutur.

Qeyd edilir ki, regionda lider kimi mövqeyini möhkəmlətməyə çalışan Əmirliklərin növbəti mərhələdə hədəfi istifadəçiləri ən yeni proqram əlavələrinə və mobil hökumət qurulmasına cəlb etməkdən ibarət olacaq.

Asya Hacızadə

AZƏRTAC-ın xüsusi müxbiri

Abu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.