ELM VƏ TƏHSİL


BDU-da “Oksidləşdirici stres” mövzusunda elmi seminar

Bakı, 26 aprel, AZƏRTAC

Bakı Dövlət Universitetinin (BDU) Biologiya fakültəsinin Tələbə Elmi Cəmiyyətinin (TEC) təşkilatçılığı ilə onlayn elmi seminar keçirilib.

BDU-dan AZƏRTAC-a bildirilib ki, fakültənin III kurs tələbəsi Mələkxanım Mehrəliyeva “Oksidləşdirici stres” mövzusunda çıxış edib. O, mövzunun aktuallığından, oksidləşdirici stresdən, onun yaranma səbəblərindən, sərbəst radikallardan, yüksək stres altında yaranan xəstəliklərdən, antioksidantlardan bəhs edib. Bu sahədə aparılan elmi-tədqiqat işləri, oksidləşdirici stresin yaranmasının biofiziki və biokimyəvi mexanizmləri və dünya alimləri tərəfindən əldə olunmuş nailiyyətlərin təcrübədə tətbiq sahələri barədə məlumat verib.

Sonda məruzəçi iştirakçıların suallarını cavablandırıb.

Seminarda Biologiya fakültəsinin dekan müavini Səbinə Ömərova, TEC-nin elmi rəhbəri Çingiz Məmmədov, Biofizika və biokimya kafedrasının professoru Rövşən Xəlilov, fakültənin əməkdaşları Aftandil Musayev, Samirə Salayeva, Kəmalə Əsədova və TEC-nin üzvləri iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.