AZƏRTAC-ın müxbiri RF Baş Prokurorluğunun İnformasiya və İctimai Əlaqələr İdarəsinin məlumatına istinadla xəbər verir ki, Beslanda törədilmiş terror aktı zamanı həlak olanlardan 242 nəfərinin, o cümlədən 119 uşağın şəxsiyyəti müəyyən edilmişdir. Bununla belə, 82 cəsəd tanınmamış qalır. Həlak olan 78 nəfərin yaxın qohumlarından molekulyar-genetik ekspertiza keçirmək məqsədi ilə qan götürülmüşdür.

İstintaq zamanı məlum olmuşdur ki, Beslandakı 1 nömrəli məktəbdə 1150 nəfərdən çox girov saxlanılmışdır. İstintaq qrupu 368 adamı, o cümlədən 129 yeniyetməni zərər çəkən, 89 nəfəri isə şahid qismində dindirmişdir. Terror aktı nəticəsində həlak olanların ümumi sayı 338 nəfərdir.