MƏDƏNİYYƏT


BİRLƏŞMİŞ ƏRƏB ƏMİRLİKLƏRİNDƏ AZƏRBAYCAN MƏDƏNİYYƏTİ GÜNLƏRİ KEÇİRİLƏCƏKDİR

Xəbər verdiyimiz kimi mədəniyyət nazirinin müavini Ədalət Vəliyev Birləşmiş Ərəb Əmirliklərində işgüzar səfərdədir.

Azərbaycanın BƏƏ-dəki səfirliyindən AZƏRTAC-a daxil olmuş məlumatda bildirilir ki, Ə.Vəliyev ölkənin informasiya və mədəniyyət nazirinin müavini Saqr Qobaşla görüşmüşdür. Görüşdə Azərbaycanla BƏƏ arasında mədəni əlaqələrin vəziyyəti, perspektivləri ətraflı müzakirə olunmuş, bu sahədə əməkdaşlığın daha da genişləndirilməsi ilə əlaqədar fikir mübadiləsi aparılmışdır. Tərəflər cari ilin aprelində Birləşmiş Ərəb Əmirliklərində Azərbaycan mədəniyyəti günlərinin keçirilməsi barədə razılığa gəlmişlər.

Ə.Vəliyev Azərbaycan mədəniyyəti günlərinin keçirilməsi ilə əlaqədar Abu Dabi Mədəniyyət Fondunun rəhbərliyi ilə də görüşmüş, Fondun imkanları, tədbirin keçirilməsi ilə bağlı fikir mübadiləsi aparmışdır.

Səfər zamanı mədəniyyət sahəsində əməkdaşlıq haqqında hökumətlərarası sazişin layihəsi razılaşdırılmışdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.