CƏMİYYƏT


BMT-nin Baş katibi iqlim dəyişmələri ilə mübarizədə Portuqaliyanın ön planda olmasından məmnundur

Lissabon, 23 sentyabr, AZƏRTAC

Birləşmiş Millətlər Təşkilatının Baş katibi Antonio Quterreş bir portuqaliyalı kimi ölkəsinin iqlim dəyişmələri ilə mübarizədə, həmçinin miqrasiya və qaçqınlar məsələsində ön planda olması ilə fəxr etdiyini bildirib.

AZƏRTAC Portuqaliya KİV-lərinə istinadla xəbər verir ki, Quterreş Portuqaliya Respublikasının Prezidenti Marselu Rebelu de Souza ilə görüşdə bu barədə bəyan edib.

“Portuqaliya xüsusilə çətin vəziyyətlərdə vətəndaşların silahlı qruplaşmalardan müdafiə olunmasında BMT-yə çox dəyərli yardım göstərib və qeyri-adi qabiliyyətini nümayiş etdirib. Bütün digər ölkələr onun bu qabiliyyətinə heyrandırlar”, - deyə Quterreş jurnalistlər üçün bəyanatında bildirib.

Miqrasiya və qaçqınlar məsələsinə gəlincə, BMT-nin Baş katibi Portuqaliyanı nümunə göstərərək qeyd edib ki, bu ölkə miqrasiya haqqında saziş üzrə fəaliyyət planını təsdiqləyən ilk ölkə olacaq.

Nigar Cəfərli

AZƏRTAC-ın xüsusi müxbiri

Lissabon

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.