ELM VƏ TƏHSİL


BP-nin vitse-prezidenti ADNSU-da təlim keçib

Bakı, 13 mart, AZƏRTAC

Martın 13-də BP-nin əməliyyatlar üzrə vitse-prezidenti Elxan Məmmədov Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı ilə görüşüb.

ADNSU-dan AZƏRTAC-a bildiriblər ki, görüşdə Mustafa Babanlı universitetdə təhsilin inkişafı istiqamətində reallaşdırılan layihələr və qazanılan uğurlardan danışıb.

BP-nin əməliyyatlar üzrə vitse-prezidenti ADNSU-nun məzunu olduğunu və doğma ali məktəbdə olmaqdan məmnun qaldığını qeyd edib. Sonra qonaq ADNSU-da yeni istifadəyə verilmiş Azİİ Elektron Kitab Evində olub. Bildirilib ki, Azİİ Elektron Kitab Evinə yeni nəşrlər, o cümlədən BP şirkəti tərəfindən kitablar verilib. Kitab evi müasir standartlara uyğun şəkildə rəqəmsal və innovativ texnologiyaların tətbiqi ilə fəaliyyət göstərir.

Sonra Elxan Məmmədov tələbələr üçün təlim keçib. “BP-nin biznes fəaliyyəti haqqında silsilə mühazirələr” çərçivəsində təşkil olunan təlim “Neft və qaz sektorunda texnologiya, modernizasiya və transformasiya” mövzusuna həsr edilib. İngilis dilində keçirilən təlimdə universitetin geoloji kəşfiyyat, neft-qaz mədən, kimya-texnologiya və digər fakültələrində ingilis dilində təhsil alan tələbələr iştirak ediblər. Təlim zamanı dünya üzrə böyük neft-qaz yataqlarında istifadə olunan ən son texnologiyaların Azərbaycanda tətbiqi və inkişafı barədə ətraflı məlumat verilib, videoçarx təqdim olunub.

Eyni zamanda, BP-nin gələcək fəaliyyəti, neft-qaz sektorunun dünya standartlarına uyğun olaraq təkmilləşdirilməsi və fundamental transformasiyası üçün şirkətin missiyası, təmiz enerji təminatı üçün hazırda neft-qaz yataqlarında tətbiq olunan yeni texnoloji avadanlıqlar və s. haqqında məlumat verilib.

Sonra tələbələrin sualları cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.