Kubalı deputat: Kuba-Azərbaycan əlaqələrinin təməli Heydər Əliyev tərəfindən qoyulub
Bakı, 10 may, AZƏRTAC
Kuba Respublikası Xalq Hakimiyyəti Milli Assambleyasının deputatı Emilio Ratmir Lozada Qarsia özünün “X” sosial şəbəkəsindəki hesabında Azərbaycan xalqının Ümummilli Lideri Heydər Əliyevin doğum günü ilə əlaqədar paylaşım edib.
AZƏRTAC xəbər verir ki, kubalı deputat Kuba-Azərbaycan əlaqələrinin qurulmasında Ulu Öndərin rolunu vurğulayıb.
“Bu gün müasir Azərbaycan Respublikasının qurucusu Heydər Əliyevin anadan olmasının 101-ci ildönümünü qeyd edirik. Kuba ilə Azərbaycan arasında bugünkü müsbət münasibətlərin fundamental təməli məhz Heydər Əliyev və Ali Baş Komandan Fidel Kastro tərəfindən qoyulub”, -deyə Emilio Ratmir Lozada Qarsia qeyd edib.
Bölmənin digər xəbərləri
