ELM VƏ TƏHSİL


“Bacarıqlı ol” usta yanında öyrənmə proqramına start verilir

Bakı, 19 fevral, AZƏRTAC

Peşə Təhsili üzrə Dövlət Agentliyinin təşkilatçılığı və “Bazarstore” Məhdud Məsuliyyətli Cəmiyyətinin dəstəyi ilə “Bacarıqlı ol” usta yanında öyrənmə proqramı çərçivəsində satıcı-kassir ixtisası üzrə qısamüddətli hazırlıq təliminə ərizə qəbulu elan olunur.

Agentlikdən AZƏRTAC-a bildirilib ki, 12 həftə davam edəcək təlim müddətində iştirakçılar nəzəri biliklər və praktiki məşğələlər vasitəsilə real iş mühitində sözügedən ixtisas üzrə bacarıq və səriştələrə yiyələnəcəklər.

Təlimin məqsədi peşə təhsili müəssisələrində təhsil alan tələbələrin və işsiz şəxslərin praktiki formada təcrübələrinin təşkili, habelə peşə təhsilinin əhatə dairəsinin genişlənməsini təmin etməkdir. Seçim prosesində qiymətləndirmə nəticələrinə görə ən yüksək bal toplayan 5 tələbəyə mükafatlar təqdim olunacaq.

Qeyd edək ki, təlimlər ödənişsizdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.