ELM VƏ TƏHSİL


Bakı Ali Neft Məktəbinin məzunları DAAD təqaüdünü qazanıblar

Bakı, 14 avqust, AZƏRTAC

Bakı Ali Neft Məktəbinin (BANM) üç məzunu Almaniyanın nüfuzlu DAAD (Alman Akademik Mübadilə Xidmətinin) təqaüdünü qazanıb.

BANM-dən AZƏRTAC-a bildirilib ki, kimya mühəndisliyi ixtisasının məzunları Nərmin Baxışova Hamburq Universitetində, Əsəd Əsədli və Sahib Abdullayev isə Friedrix-Aleksander Erlanqen-Nürnberq Universitetində magistratura pilləsi üzrə təhsil alacaqlar. Təqaüd proqramı çərçivəsində onların yaşayış və təhsil xərcləri qarşılanacaq.

Ali məktəbin 2019-cu il məzunları Nərmin Baxışova hazırda İtaliyanın “Maire Tecnimont” şirkətlər qrupunun “TCM KT JV Azərbaycan” MMC-də layihə üzrə kiçik mühəndisi, Sahib Abdullayev isə BP şirkətinin Azərbaycan, Gürcüstan və Türkiyə regionu üzrə proses mühəndisi işləyir.

Qeyd edək ki, Azərbaycandan təqaüd üçün seçilmiş 25 nəfərdən 3-ü məhz BANM-in məzunudur.

Xatırladaq ki, DAAD gənclərə Almaniya daxili və xaricində beynəlxalq təhsil və tədqiqat təcrübəsini toplamağa imkanı yaradan Akademik Mübadilə Xidmətidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.