İQTİSADİYYAT


Bakı Mühəndislik Universitetinin tələbələri üçün təlim keçirilib

Bakı, 13 dekabr, AZƏRTAC

Maliyyə Bazarlarına Nəzarət Palatasının və Azərbaycan Fond Bazarı İştirakçıları Assosiasiyasının mütəxəssisləri Bakı Mühəndislik Universitetinin tələbələri üçün təlim keçiriblər.

Palatanın mətbuat xidmətindən AZƏRTAC-a bildiriblər ki, təlim "Azərbaycan Respublikasında maliyyə xidmətlərinin inkişafına dair Strateji Yol Xəritəsi"nin "2.1.4. Sahiblik düşüncə tərzinin dəyişdirilməsi" tədbiri üzrə Maliyyə Bazarlarına Nəzarət Palatasının 2017-2018-ci illər üzrə təsdiq edilmiş Tədbirlər Planı çərçivəsində baş tutub.

Tələbələrin böyük maraqla qarşıladıqları təlimdə kapital bazarının iştirakçıları və alətləri, investisiya qiymətli kağızları, kapital bazarlarında maliyyələşmə, investisiya xidmətlərinin növləri, həmçinin daşınar əmlakın yüklülüyünün dövlət reyestrinin məqsədi, iş prinsipi və üstünlüklərinə dair nəzəri və praktiki mövzuları əhatə edən təqdimat nümayiş etdirilib.

İnteraktivlik və müzakirələr şəklində təşkil olunmuş tədbirin aktiv iştirakçıları Maliyyə Bazarlarına Nəzarət Palatası tərəfindən sertifikatlarla təltif ediliblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.