MƏDƏNİYYƏT


Bakı Musiqi Akademiyasında Azərbaycan və dünya bəstəkarlarının əsərləri səsləndirilib

Bakı, 10 oktyabr, AZƏRTAC

Üzeyir Hacıbəyli adına Bakı Musiqi Akademiyasının ((BMA) böyük zalında “İtaliya və Azərbaycan musiqi mədəniyyəti həftəsi” adlı konsert proqramı təqdim olunub.

AZƏRTAC xəbər verir ki, konsertdə İtaliyanın Padua Musiqi Konservatoriyası və İtaliyanın ölkəmizdəki səfirliyinin nümayəndələri, BMA-nın tələbələri, müəllim heyəti iştirak edib.

Xalq artisti, Bakı Musiqi Akademiyasının professoru Yeganə Axundova İtaliyadan gələn qonaqları salamlayaraq, akademiya ilə olan sıx əməkdaşlıqlarından söz açıb. O, bu əməkdaşlığın uzunmüddətli olmasını arzulayaraq bütün qonaqlara təşəkkürünü bildirib.

Sonra konsert proqramı təqdim olunub. Proqramda Bakı Musiqi Akademiyasının nəfəs alətləri ansamblı və tələbə simfonik orkestrinin ifasında Azərbaycan və dünya bəstəkarlarının əsərləri dinlənilib. BMA-nın İfaçılıq fakültəsinin 4-cü kurs tələbəsi Kamran Məmmədov solist olaraq çıxış edib.

Konsert proqramı BMA-nın tələbə simfonik orkestrinin ifasında (dirijor C.Tağızadə) görkəmli bəstəkar Fikrət Əmirovun “Azərbaycan kapriççiosu” əsəri ilə yekunlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.