CƏMİYYƏT


Bakıda “Qadın hüquqları yeni ictimai-siyasi reallıqlar kontekstində” mövzusunda konfrans işə başlayıb VİDEO

Bakı, 4 mart, AZƏRTAC

Martın 4-də Bakıda “Qadın hüquqları yeni ictimai-siyasi reallıqlar kontekstində” mövzusunda konfrans keçirilir.

AZƏRTAC xəbər verir ki, Ailə, Qadın və Uşaq Problemləri üzrə Dövlət Komitəsi tərəfindən təşkil olunan tədbirdə Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin Siyasi partiyalarla iş sektorunun müdiri Səbinə Salmanova, Azərbaycan Respublikasının insan hüquqları üzrə müvəkkili (ombudsman) Səbinə Əliyeva, Ailə, Qadın və Uşaq Problemləri üzrə Dövlət Komitəsinin sədri Bahar Muradova və digərləri iştirak edirlər.

Konfransda “Sosial rifah dövləti və gender bərabərliyi”, “Münaqişədən zərər çəkmiş qadınların hüquqlarının müdafiəsi”, “Azərbaycanın əmək bazarında qadın təmsilçiliyi”, “Qadınların inkişafında vətəndaş cəmiyyətinin rolu” və “Təhsil qadın hüquqlarının əsas komponenti kimi” mövzularında çıxışlar olacaq.

Tədbirin sonunda “Gənc qızların təhsilinə dəstək” kampaniyasına qoşulmuş özəl sektor nümayəndələrinin mükafatlandırılması mərasimi keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.