İDMAN


Bakıda autist uşaqlar arasında Azərbaycan Xalq Cümhuriyyətinin 100 illiyinə həsr olunmuş veloyürüş keçirilib

Bakı, 14 sentyabr, AZƏRTAC

Dənizkənarı Milli Parkın Ağ şəhər ərazisində Autizm İdman Klubunun (AİK) təşkilatçılığı ilə autist uşaqlar, yeniyetmələr və gənclər arasında Azərbaycan Xalq Cümhuriyyətinin 100 illiyinə həsr edilmiş veloyürüş keçirilib.

Autizm İdman Klubundan AZƏRTAC-a bildirilib ki, autistlərə dəstək veloyürüşü Azərbaycan Velosiped İdmanı Federasiyasının (AzVİF), Respublika Olimpiya Velosiped Məktəbinin və BrendSport.az saytının köməyi ilə təşkil edilib.

Autistlərin həyatında xüsusi yer tutan velosiped idmanı üzrə yarışın keçirilməsində məqsəd bu idman növünü təbliğ etmək, klublar arasında ən güclü idmançını müəyyənləşdirməkdir.

Veloyürüşdə, həmçinin fiziki məhdudiyyəti olan şəxslər, estrada və kino ulduzları, o cümlədən Səlim Abbasov, Lətafət Ələkbərova, İslam Mehrəliyev və digərləri iştirak ediblər.

Sonda əyləncəli proqram təqdim edilib, iştirakçılar diplom, kubok və medallarla təltif olunublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.