REGİONLAR


Balakənli fermerlər 293 ton quru tütün istehsal ediblər

Balakən, 16 yanvar, Mustafa Dadaşov, AZƏRTAC

Ötən il Balakən rayonunun təsərrüfatlarında 293 ton quru tütün istehsal olunub. Qurudulmuş tütünün 255,2 tonu indiyədək istehsalçılar tərəfindən tədarük müəssisələrinə satılıb və hazırda proses davam edir.

Bu barədə AZƏRTAC-ın bölgə müxbirinə Balakən Dövlət Aqrar İnkişaf Mərkəzinin bitkiçilik sektorunun müdiri Şahin Rəhimli məlumat verib.

Bildirilib ki, ötən il rayonun təsərrüfatlarında 300 hektarda tütün əkilib. Torpaq mülkiyyətçiləri 170 hektar sahədə “Virciniya botaniki”, 130 hektarda isə yerli “İmmuniy” növlü tütün sortları yetişdiriblər.

Qurum rəsmisinin sözlərinə görə, yaxın günlərdə təsərrüfatlarda builki mövsümdə sahələrə əkiləcək tütün şitillərinin yetişdirilməsi üçün sadə istixanaların hazırlanmasına başlanılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.