REGİONLAR


Balakənli məktəbli və abituriyentlər düzgün ixtisas seçimi barədə maarifləndiriliblər

Balakən, 5 avqust, Mustafa Dadaşov, AZƏRTAC

Dövlət Məşğulluq Agentliyinin Mərkəzi Karyera filialının təşkilatçılığı, Azərbaycan Gənc Müəllimlər Assosiasiyası və Gənclərin İnkişaf və Karyera Mərkəzinin dəstəyi ilə avqustun 5-də Balakən rayon Mədəniyyət Mərkəzində “İxtisas bələdçisi” adlı maarifləndirmə seminarı keçirilib. Tədbirdə ümumtəhsil məktəblərinin IX-XI sinif şagirdləri, abituriyentlər, onların valideynləri və müəllimlər iştirak ediblər.

Layihənin əsas məqsədi iştirakçıları müasir əmək bazarının tələbləri barədə məlumatlandırmaq, abituriyentlərin düzgün ixtisas seçimi etmələrinə dəstək verməkdir.

Rayon icra hakimiyyətindən AZƏRTAC-ın bölgə müxbirinə bildirilib ki, tədbirdə karyera məsləhətçiləri tərəfindən iştirakçılara ixtisas seçiminin aparılması meyarları, düzgün kodlaşdırma qaydaları, prosesin psixoloji aspektləri, əsas ixtisaslar və onların gələcək perspektivləri haqqında ətraflı məlumat verilib. Bildirilib ki, sürətlə dəyişən müasir əmək bazarında yer tutmaq üçün peşə və ixtisas seçimi, xüsusilə artan tələbata uyğun seçim edilməsi ən vacib şərtlərdən biridir.

Ekspertlər tərəfindən tədbir iştirakçılarına hər bir ixtisas qrupu üzrə əmək bazarında aktual olan peşə və ixtisaslar barədə məlumat verilib, onların sualları cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.