REGİONLAR


Baş Şirvan Kollektorunda meliorativ tədbirlər davam edir VİDEO

Bakı, 27 may, AZƏRTAC

Ölkədə torpaqların meliorativ cəhətdən yaxşılaşdırılması, uzun müddət istifadə olunmayan torpaqların əkinə yararlı hala gətirilməsi üçün Azərbaycan Meliorasiya və Su Təsərrüfatı ASC tərəfindən bir sıra işlər görülür. Bu işlər çərçivəsində Baş Şirvan Kollektorunun İstismarı İdarəsi tərəfindən kollektor drenaj şəbəkələrinin lildən təmizlənməsi davam edir.

Azərbaycan Meliorasiya və Su Təsərrüfatı Açıq Səhmdar Cəmiyyətinin mətbuat katibi Dilqəm Şərifov AZƏRTAC-a bildirib ki, idarə 11 nasos stansiyası ilə duzlaşmış və qrunt sularını Xəzər dənizinə axıdır. Bununla da münbitləşən torpaqlarda kənd təsərrüfatı bitkilərinin əkini sürətlənir.

Baş Şirvan Kollektorunun İstismarı İdarəsi tərəfindən balansda olan nasos stansiyalarda da təmir və sazlama işləri aparılır.

İdarə kollektor drenaj sistemlərinin lildən təmizlənməsini və onlar üzərində yerləşən hidrotexniki qurğuların cari və əsaslı təmirini həyata keçirmək üçün balansda olan maşın-mexanizmlərdən istifadə edir. Sistemin lildən təmizlənməsi nəticəsində sahələrdə şoranlaşmanın qarşısı alınır. Kollektorlarda lildən təmizləmə işləri sistemli şəkildə aparılır. Əvvəlcə təsərrüfatdaxili kollektorlar lildən təmizlənir. Daha sonra təsərrüfatlararası və magistral kollektorlar lildən təmizlənərək qrunt suları maneəsiz olaraq ərazilərdən kənarlaşdırılır. 2022-ci ilin yanvar ayından bu vaxta qədər ümumilikdə 174 kilometr uzunluqda arx və kanallarda lildən təmizləmə işləri aparılıb. Hazırda texnikalar vasitəsilə bir neçə istiqamətdə bu işlər həyata keçirilir.

Qeyd edək ki, Baş Şirvan Kollektorunun İstismarı İdarəsi Ağdaş, Ucar, Göyçay, Kürdəmir, Sabirabad, Hacıqabul və Salyan rayonlarında, ümumilikdə 253000 hektar əraziyə 2399 kilometr drenaj və kollektor şəbəkəsi vasitəsilə xidmət göstərir. 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.