İDMAN


Bədii gimnastika üzrə Avropa çempionatının təsnifat mərhələsində A qrupunun yarışları başa çatıb

Bakı, 17 may, AZƏRTAC

Bakıda bədii gimnastika üzrə Avropa çempionatı davam edir.

AZƏRTAC xəbər verir ki, gimnastlar fərdi yarışlarda halqa və top ilə hərəkətlərdə mübarizə aparırlar. Azərbaycanı fərdi proqramda Zöhrə Ağamirova və Veronika Qudis təmsil edir.

Fərdi proqramda A qrupunda yarışlara yekun vurulub. Hər iki proqramda bolqarıstanlı Boryana Kaleyn fərqlənib.

Qeyd edək ki, çempionatın birinci günündə gənclərdən ibarət qrup hərəkətləri komandaları çoxnövçülükdə - beş halqa ilə çıxış ediblər. Azərbaycanın gənclərdən ibarət qrup hərəkətləri komandası yarışların finalına yüksəlib. Mədinə Əsədova, Ləman Əlimuradova, Selcan Hacızadə, Milana Əkbərova və Fəridə Səfiyarzadədən ibarət milli komandamız hakimlərdən 21,650 xal alaraq beşinci olub.

Çempionatın fərdi proqramında böyük gimnastlar, qrup hərəkətləri proqramında isə gənc komandalar çıxış edəcəklər.

Dörd gün davam edəcək çempionata 35 ölkənin gimnastları qatılıblar.

Xatırladaq ki, Bakı 2007-ci, 2009-cu və 2014-cü illərdə də bədii gimnastika üzrə Avropa çempionatına ev sahibliyi edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.