MƏDƏNİYYƏT


Belarusun Böyük Teatrında “Knyaz İqor” operasının baş rolunu Azərbaycanın Xalq artisti oynayıb

Minsk, 17 sentyabr, AZƏRTAC

Belarusun Böyük Teatrında 87-ci teatr mövsümünün açılışında Aleksandr Borodinin “Knyaz İqor” operasının premyerası olub.

Ölkəmizin Belarusdakı səfirliyindən AZƏRTAC-a bildiriblər ki, operanın baş rollarından biri olan tatar xanı Konçakın rolunun ifası üçün Azərbaycanın Xalq artisti Əli Əsgərov dəvət olunub. Əli Əsgərovun son dərəcə gur səsi və yüksək ifaçılıq sənəti tamaşaçılar tərəfindən böyük rəğbətlə qarşılanıb və uzun alqışlarla müşayiət edilib.

Səfir Lətif Qəndilov tamaşadan sonra Əli Əsgərovla görüşüb, premyeradakı uğurlu çıxışına görə təbrik edib və Azərbaycanın opera ifaçılıq sənətini yüksək səviyyədə təmsil etdiyi üçün təşəkkürünü bildirib. Səfir Belarus Böyük Teatrının direktoru Qridyuşko Vladimirlə, baş rejissoru və digər nümayəndələri ilə görüşüb və Azərbaycanın Dövlət Akademik Opera və Balet Teatrı ilə əməkdaşlıq və Azərbaycan ifaçılarını bura dəvət etdiklərinə görə təşəkkürünü bildirib.

Q.Vladimir Azərbaycanın Opera və Balet Teatrı ilə əməkdaşlığın ənənəvi xarakter daşıdığını söyləyib, Belarus Böyük Teatrında Qara Qarayevin, Polad Bülbüloğlunun əsərlərinin səhnəyə qoyulduğunu, Yalçın Adıgözəlov, Əyyub Quliyev kimi dirijorların və solist Afaq Abbasovanın çıxış etdiklərini bildirib. Q.Vladimir əməkdaşlığın bundan sonra da davam edəcəyini söyləyib.

Emil Hüseynli

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.