İDMAN


Bəxtiyar Hacıyev: Əminəm ki, samboçularımız növbəti uğura imza atacaqlar

Bakı, 3 oktyabr, AZƏRTAC

Sabah Kazanda Tatarıstan Respublikası Prezidentinin mükafatı uğrunda “A” kateqoriyalı beynəlxalq turnir start götürəcək. Yarışlar Belarusun paytaxtı Minskdə keçiriləcək ikinci Avropa Oyunlarına lisenziya xarakterli olduğu üçün xüsusi əhəmiyyət daşıyır. Əminəm ki, samboçularımız növbəti uğura imza atacaqlar.

Bu sözləri AZƏRTAC-a sambo üzrə yığma komandanın baş məşqçisi Bəxtiyar Hacıyev deyib. O, yarışlarda ilk dörd yeri tutan idmançıların “Minsk-2019” II Avropa Oyunlarına vəsiqə qazanacaqlarını vurğulayıb.

Baş məşqçi bildirib ki, yarışlar, həm də bu il noyabrın 8-dən 12-dək Rumıniyanın paytaxtı Buxarestdə keçiriləcək kişilər arasında dünya çempionatına yoxlama xarakteri daşıyır.

Yarışlarda sambo üzrə yığma komandanın tərkibində Ağasif Səmədov (52 kq), Mehman Xəlilov (57 kq), Fuad Məmmədov (62 kq), Cavidan Qarayev (62 kq), Emil Həsənov (68 kq), Samir Kərimov (74 kq), Abdulla Abdullayev (74 kq), Ceyhun Hüseynov (82 kq) mübarizə aparacaqlar.

Turnirə oktyabrın 7-də yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.